Tal que taba previstu, el consistoriu xixonés va presentar la próxima selmana l’anteproyectu d’una de les actuaciones más importantes para la ciudá. La reforma del Muriu sigue adelantre y nunos díes vamos conocer tolos detalles, como les franxes d’actuación o’l presupuestu envaloráu. A partir d’esi momentu abrirá un nuevu procesu de xuntes y grupos de trabayu para falar sobro’l proyectu y valorar los posibles cambeos a incluyir.
Un anunciu que realizaba esta mañana’l conceyal d’Obres Públiques, Caltenimientu y Proyectos de Ciudá, Olmo Ron. Mientres la so comparecencia, tamién quixo referise a la sentencia conocida ayeri sobre’l ‘cascayu’. Nesti sentíu, Olmo Ron anunció que’l Conceyu de Xixón va presentar un recursu énte’l Tribunal Cimeru de Xusticia d’Asturies. Sicasí, tamién quixo señalar que’l consistoriu respeta escrupulosamente toles sentencies xudiciales.
Respectu al ‘cascayu’, Olmo Ron recordó que se trata d’un modelu d’emerxencia que se tomó nel añu 2020 y metanes xuna pandemia mundial, coles mires de crear un espaciu más seguru para la ciudadanía. El Conceyu de Xixón respondió asina a unes necesidaes concretes de la situación y facer facilitando un llugar por que toes y toos podamos esfrutar faciendo deporte o pasiando. Cabi señalar amás, qu’en nengún momentu incumplió’l Plan Especial del Muriu.
Foi precisamente esta actuación d’emerxencia la que dexó n’evidencia la necesidá de realizar el proyectu de reforma del Muriu nel que se vien trabayando nos últimos meses y que va empezar a ser xuna realidá a finales de 2022.
Dende’l Conceyu trabayar para crear un modelu de ciudá qu’incluya más espacios para la ciudadanía, que sían amás espacios calidable y que cunten con más zones verdes y de xuegos infantiles. Dientro d’esti modelu atopa’l proyectu de reforma del Muriu, que caltien l’oxetivu d’empecipiar les obres a finales d’anguaño.