L’Agrupación Municipal Socialista de Xixón aprobó güei la xestión de la Comisión Executiva Local que dirixió’l partíu mientres los postreros cuatro años, mientres la primer xornada de l’Asamblea Municipal Estraordinaria Congresual que se ta celebrando nel Atenéu de La Calzada.
- Votos a favor: 81%.
- Votos en contra: 2%.
- Astenciones: 17%.
Composición de la mesa: presidida por Justo Villabrille ya integrada por Gloria Ortiz, Manuel Antonio del Corro, Carmen Munárriz, Jorge Noval y María Caunedo.
L’agrupación xixonesa, la más numberosa de la comunidá autónoma asturiana, vive esta fin de selmana la so XIV Asamblea Estraordinaria Congresual qu’en payares de 2017 elexía a Iván Fernández Ardura como secretariu xeneral con un 50,95% de los votos, frente al 47,51% de la candidatura que lideraba’l so oponente José Ramón García.
Mañana sábadu 2 d’abril, a partir de les 11:00 h, dambos candidatos volverán presentar les sos candidatures para optar a la dirección del PSOE xixonés mientres los cuatro próximos años.
Una vegada rematada la presentación de candidatures, va abrise un procesu de votación hasta les 20:00 hores de la tarde, nel que los 1.164 afiliaes y afiliaos de l’agrupación tán convocaos para escoyer la nueva Comisión Executiva Municipal y a los representantes del PSOE xixonés nel Comité Autonómicu.