Ayeri miércoles 29 d’abril tuvo llugar un alcuentru con Ana González Rodríguez y miembros del Grupu Municipal Socialista pa falar de temes d’interés de la política municipal.
Iván Fernández Ardura, secretariu xeneral de l’Agrupación Municipal Socialista de Xixón foi l’encargáu d’abrir l’actu. Estimó l’asistencia ya interés xeneráu, según la disposición de concejalas y conceyales socialistes pa participar nesti alcuentru. Destacó que, a pesar de les llimitaciones xeneraes poles restricciones debíes a la COVID-19, l’Agrupación supo afaese pa caltener un importante ritmu d’actividá.
L’alcaldesa de Xixón, Ana González Rodríguez, fixo un percorríu poles temes d’actualidá qu’esmolecen a la ciudadanía y, cuantimás, a los más de 80 militantes participantes, y respondió a les sos consultes y demandes sobre la ordenanza de movilidá, les ayudes municipales, el plan d’igualdá, el reglamentu de participación ciudadana, la ordenanza de llaicidá, la nueva ITV, el funcionamientu de los cuerpos de seguridá, o’l plan de meyora de los Barrios, según otres actuaciones que dexen avanzar escontra un Xixón más responsable, sostenible y empobináu escontra les persones.