Xunta del Grupu de Trabayu de Relaciones cola Sociedá
El xueves de la pasada selmana tuvo llugar xuna xunta, convocada pola Secretaría de Relaciones cola Sociedá, na que se faló de les Redes Sociales, tantu no que se refier a les sos posibilidaes de comunicación, como a los problemes que plantega’l so usu.
Más de trenta militantes y simpatizantes del nuesu partíu asistieron telemáticamente a esta xunta xuntu colos ponentes convidaos Leticia Quintanal, David Vega, Jorge F. León ya Iván González.
Plantegáronse cuestiones como’l nivel de crispadura y la violencia verbal que se dan nes redes cuando s’enceten determinaes temes y la necesidá d’adoptar alternatives clares pa encarar esta realidá.
“Tenemos qu’articular maneres de pensar xuntos y xuntes”, “potenciar la formación en valores”, “dotanos d’estructures que sirvan d’altavoz a les decisiones del partíu”, fueron dalgunes de les frases que pudieron escuchase y que podríen resumise nun deséu xeneralizáu: gusten o nun gusten les redes sociales son xuna realidá y dende el nuesu partíu tenemos d’aprovechar la parte positiva qu’ufierten.
Xornada Informativa Telemática sobro la LOMLOE
Col fin de conocer el proyectu de la nueva Llei Orgánica d’Educación, la Secretaría d’Educación y Cultura de l’Agrupación Municipal Socialista de Xixón/Xixón, en collaboración cola FSA-PSOE, programó’l pasáu vienres 27 de payares, xuna Xornada Informativa Telemática sobro la LOMLOE
La LOMLOE supon un saltu escontra un modelu educativu más contemporaneu, avanzáu, equitativo ya inclusivu faciendo efectivu’l derechu a una educación calidable pa toos y toes. Inscribir nos oxetivos de l’Axenda 2030 y del Espaciu Educativu Européu que dexe a les y los mozos beneficiase de la meyor educación y formación empobinada a atopar empléu.
Intervinieron como ponentes convidaos Mari Luz Pontón Álvarez, secretaria d’Educación, Universidaes y Normalización Llingüística de la FSA-PSOE y José Ramón Álvarez Bellu, coordinador de la Organización Sectorial d’Educación de la FSA-PSOE, quien fixeron fincapié naquellos aspeutos que tán xenerando más polémica por cuenta de mensaxes erróneos procedentes de determinaos ámbitos, como son la educación especial, l’alcordada, la meyora de la FP, l’asignatura de relixón, ente otros.
