L’alternativa a la cabalgata va incluyir tantu los barrios como les parroquies rurales. El discursu grabáu va faese tolos años
Noticia publicada por El Comerciu’l 30 de payares de 2020
Los Reis Magos van ser más magos que nunca en 2021. El próximu 5 de xineru, Melchor, Gaspar, Baltasar y Aliatar van dexase ver por tolos barrios de Xixón dende los sos coches oficiales. La comitiva tien previstu inclusive escurrir por delles parroquies rurales del conceyu. Esa ye siquier la intención del Conceyu, qu’espera que la Conseyería de Salú dea esta selmana’l vistu bonu a los sos planes. De la mesma, el Principáu aguarda a que l’Executivu faiga públiques les sos propuestes de midíes de salú pública para la celebración de les fiestes navidiegues. Les Cabalgates de Reyes fueron denominaes nel borrador del documentu como un eventu de «eleváu riesgu».
«Yá ta casi tou entamáu, pero precisamos el vistu bonu de les autoridaes. Por ello, entá siguimos trabayando en supuestos», aseguraba ayeri aL COMERCIO la xerente de Divertia, Lara Martínez. «En concencia los nuesos principal oxetivu ye intentar llegar a tolos rincones de la ciudá, pero calteniendo la salú de los ciudadanos», aportunó Martínez.