La xunta informativa tuvo llugar ayeri, miércoles 7 de xunetu, en formatu telemáticu y presencial pa falar del últimu Comité Autonómicu celebráu’l 18 de xunu de 2021 nel que se realizó un analís de la situación política actual cola presencia del Secretariu Xeneral de la AMSG, Iván Fernández Ardura, del Secretariu d’Organización, Roberto Lena y d’Angélica Blanco Naredo, Secretaria d’Urbanismu, Medioambiente y Territoriu.
Angélica Blanco Naredo, miembru del Comité Autonómicu pola AMSG foi la encargada de realizar un resume de les intervenciones destacando la xestión realizada frente a la pandemia y l’esfuerzu de vacunación de la población asturiana que va ser la base de la recuperación de l’actividá económica. Nel Comité destacóse la necesidá de qu’Asturies sía una tierra d’oportunidaes pa los mozos y la necesidá de defender la industria asturiano.
De siguío, Roberto Lena, Secretariu d’Organización de la AMSG y miembru del Comité Autonómicu realizó un curtiu resume de la so intervención nel Comité Autonómicu en sustitución del Secretariu Xeneral na que destacó, ente otres temes, la importancia de les ayudes europees, el sofitu a la mocedá, a la industria y al I+D+I. En Xixón Roberto Lena destacó l’importante conxuntu d’actividaes desenvueltes pola Agrupación en plena situación de pandemia resaltando los dos años al frente del Conceyu y l’importancia de la coalición de gobiernu mentando les actuaciones principales na ciudá.
Iván Fernández Ardura destaca la importancia de la defensa de la Industria Asturiano, l’estatutu electrointensivo, rebaxar del preciu de la lluz, los aranceles medioambientales y la necesidá d’anovar y modernizar la nuesa industria afaciéndola al procesu de descarbonización, según encarar el futuru d’Asturies y de la ciudá con visión de futuru apostando pola modernidá.