El martes 3 de payares tuvo llugar la xunta telemática del Grupu de Trabayu de Cultura con un únicu puntu del día, esplicar el Plan d’Usos y Xestión del Edificiu de Tabacalera, Espaciu de Cultura.
L’alcuentru cuntó cola intervención del Conceyal d’Educación y Cultura, Alberto Ferrao, amás de la xerente de Divertia, Lara Martínez y el director de la Fundación Municipal de Cultura, Miguel Barrero.
Mientres la so intervención, el conceyal fixo una presentación xeneral del estensu proyectu, encetando tantu les obres de remodelación del edificiu como l’usu que depués se fadría de los espacios derivaos del mesmu. Dada’l valumbu de la obra y del estensu documentu que la acompaña, el grupu de trabayu consideró necesaria la celebración de delles xuntes para estudialo con más detalle y poder asina conocer d’una manera más precisa’l proyectu.