Noticia publicada nel Diariu El Comerciu’l Xueves 29 d’ochobre de 2020
«Lo que vimos ye la frustación de muncha xente, que lo que quier ye tener la certidumbre de que va poder trabayar»
Ana González, alcaldesa de Xixón, en axuntándose colos hosteleros y recoyer el so manifiestu, señaló que «lo que vimos ye la frustación de muncha xente, que lo que quier ye tener la certidumbre de que va poder trabayar, caltener los sos negocios abiertos y ganar un sueldu. Primero de too esto solo quepe ponese na so piel y pensar que, efectivamente, la situación ye difícil».
Nesa llínea, coincidió con ellos en «esa rabia, eses duldes si les restricticiones impuestes pola pandemia de la covid te van dexar llevar a final de mes. Entiendo perfectamente que tean na plaza Mayor».
Ana González defendió que «el Conceyu de Xixón ta ayudándo-yos» y numberó un llistáu qu’inclúi «la supresión de la tasa de terraces», lo mesmo que de «enagua y basura», amás d’ayudes directes del plan Xixón Reinicia, con cinco millones d’euros para’l pequenu comerciu y l’hostelería. Esperamos pagar les primeres a finales de mes de les 2.500 solicitúes recibíes», pero tamién dexó claro que «otra cosa ye que si solo eses ayudes tienen de llegar del conceyu».
Por ese motivu, anunció que va treslladar «el manifiestu que me fixeron llegar, que lleí rápido, al conseyeru d’Industria».
Un anunciu aplaudíu polos afectaos que, sicasí, tienen claro que tres l’ésitu de la convocatoria atayada de güei «volveremos solicitar permisu para manifestanos».