Xixón, 29 oct (EFE).- El Plenu del Conceyu de Xixón aprobó esti xueves les ordenances fiscales para l’exerciciu del 2021, que suspenden l’aplicación del Impuestu a los Bienes Inmuebles con una tasa estremada para los de mayor valor catastral.
El proyectu de cambéu d’ordenances reguladores de tributos y precios públicos municipales foi aprobáu colos votos a favor del equipu de gobiernu formáu pol PSOE ya IU, el refugu Vox y Podemos-Equo y les astenciones del PP Y Ciudadanos.
El grupu de Foro nun exerció’l derechu al votu como una amuesa de refuga a la forma na que’l Plenu de la pasada selmana esanició la so propuesta d’amenorgar el IBI a la hostelería que fuera aprobada na Comisión de Facienda.
La sesión de güei solo producióse la votación, ensin alderique, de los proyectos de fiscalidá municipal y de precios públicos sometíos a votación parcial de les enmiendes nel Plenu anterior.
Nesa oportunidá’l gobiernu local llogró que la mayor parte de les enmiendes presentaes pola oposición fueren refugaes, pero tuvo que retirar el proyectu completu d’ordenances fiscales que finalmente foi aprobáu güei.
Una vegada refugaes les enmiendes, ente les que s’atopaben caltener el IBI estremáu y bonificar nun 75 per cientu esti tributu pa los establecimientos hosteleros afectaos pola crisis de la covid-19, el gobiernu local tuvo vía llibre pa sacar alantre’l so proyectu inicial.
El Plenu aprobó amás les tases del serviciu municipal d’agües y alcantarelláu, de recoyida y tratamientu y eliminación de borrafes y de les tarifes que van rexir nos campusantos.