Xixón, 8 mar (EFE).- L’alcaldesa de Xixón, Ana González, afirmó esti llunes que nun tien mieu de que la oposición del Conceyu de Xixón bloquie l’aprobación d’un nuevu conveniu del plan de víes tres los cambeos nel proyectu y destacó que la so obligación como alcaldesa ye qu’haya una nueva estación intermodal.
“Nun soi una muyer de mieos porque eso solo paraliza”, aseguró González tres les crítiques de la oposición a los cambeos impulsaos pol Ministeriu para la estación intermodal de Xixón.
González afirmó que, “ensin sacar coneyos de la chistera”, ella quier una estación, pero alvirtió de que nun se puede xugar col presupuestu y con realidaes del pasáu y ye necesariu abaratar el proyectu.
L’alcaldesa afirmó que “nun ye nada estraño” qu’entá nun haya fecha para la xunta del conseyu d’alministración de Xixón al Norte (GAN), sociedá encargada de sacar alantre’l plan de víes, yá que inda nun salió escontra Madrid el pidimientu d’Asturies de celebración d’un conseyu estraordinariu que ta roblada por ocho conseyeros.EFE