El Plenu del Conceyu de Xixón aprobó esta mañana en sesión estraordinaria’l proyectu d’Ordenances Fiscales para’l próximu añu 2022, colos votos a favor del PSOE ya IU, l’astención de Ciudadanos y el votu en contra de Podemos, Foro, Vox, PP y el conceyal non adscritu.
El proyectu, que va entrar a valir el próximu 1 de xineru de 2022 y esclúi el IBI estremáu, inclúi como novedaes, respectu al borrador presentáu pol gobiernu municipal, la conxelación de la tasa de recoyida de borrafes urbanes; la bonificación del Impuestu de Construcciones y Obres (ICIO) para la instalación d’empreses nos polígonos industriales del conceyu; y la medría de la bonificación del IBI a families numberoses para inmuebles d’hasta 200.000 euros, tres l’aceptación de les enmiendes presentaes por Ciudadanos.
Coles mesmes, hanse transacionado dos enmiendes presentaes por Ciudadanos y Foro, y que suponen l’amenorgamientu del preciu d’actividaes y cursos municipales a partir del segundu fíu, y que’l preciu que s’abone pol usu d’El Molinón sía solo del 25% para los díes de montaxe y desmontaje.
La concejala de Facienda, Marina Pineda, refirióse mientres la so intervención al cambéu de los precios en EMTUSA y recordó que “siguen tando per debaxo de lo qu’atopamos cuando llegamos al gobiernu”. Nesti sentíu Pineda señaló que foi l’actual gobiernu’l que baxó’l preciu del tresporte públicu, qu’agora tien de modificar para nun poner en riesgu a la empresa municipal, una de les más castigaes pola pandemia.
D’esta forma, los precios aprobaos para EMTUSA esta mañana queden la siguiente manera:
– Billete senciellu pasa de 1’25 a 1’50 euros
– Bono recargable, de 0’70 euros viaxe a 0’75
– Abonu normal pasa de 37 a 39’70 euros
– Abonu semestral, de 174 a 186’50 euros
– Abonu añal: de 290 a 310’80 euros
Amóntase la bonificación nel Impuestu de Circulación para toos aquellos vehículos de cero emisiones que nun superen los 15’99 caballos fiscales, y l’O.R.A conxélase para residentes.