El xuráu del concursu d’idees para la remodelación y ordenación del ámbitu del paséu marítimu Fomento-Poniente, axuntáu esta tarde nel Salón de Recepciones, escoyó a ‘Foment-On’ como’l proyectu ganador de les 13 propuestes presentaes.
Xuráu Ye’l proyectu más votáu dempués de que nuna primer ronda de votación empatara col tituláu ‘Xixón Simétricu’. Dambos proyectos sumaron 8 votos cada unu, incluyíos los de la fase de participación ciudadana. Neses primeres votaciones yá quedó asignáu’l segundu accésit para’l proyectu ‘Al mar prestai Xixón’, con una suma de 4 votos ente los recibíos na xornada de güei y los de la ciudadanía. Fíxose, por tanto, xuna segunda ronda de votación pa romper l’empate na que’l ganador, ‘Foment-On’, consiguió 12 votos y 5 el primer accésit, ‘Xixón Simétricu’. Contabilizóse un votu en blancu.
Estes resultancies van ser ratificaos na próxima Xunta de Gobiernu y va ser entós cuando se abrir los sobres pa conocer l’autoría d’estes trés propuestes escoyíes.
L’alcaldesa de Xixón, Ana González Rodríguez, que presidió la xunta de deliberación de güei, destacó la pluralidá del xuráu, formáu por persones y profesionales de distintos ámbitos, y reconoció la so implicación, según la participación de más de 1.000 persones na consulta ciudadana.