La Comisión Executiva de l’Agrupación Municipal Socialista de Xixón axuntóse telemáticamente ayeri xueves 28 de xineru pa faer una repasada de les principales temes d’interés rellacionaos cola situación política nacional, rexonal y local.
Iván Fernández Ardura, secretariu xeneral, aprovechó pa reconocer el gran trabayu realizáu por Luisa Carcedo, militante de l’Agrupación, nel desenvolvimientu y aprobación de la Llei d’Eutanasia. Retomando la situación política, la pandemia sigue siendo’l principal problema qu’ocupa tolos ámbitos, cola esperanza puesta na vacunación de la ciudadanía, esperando llegar al branu na meyor situación posible. Ardura tamién faló de la estratexa de ciertos partíos políticos que busquen xenerar discutiniu y gastadura con caúna de les decisiones adoptaes pol Gobiernu d’España y pol del Gobiernu del Principáu d’Asturies.
La vocera del equipu de gobiernu del Conceyu de Xixón, Marina Pineda, n’ausencia d’Ana González por motivos d’axenda, foi la encargada de falar de l’actualidá municipal. L’equipu de gobiernu ta trabayando nos cambeos organizativos que precisa’l Conceyu de Xixón, según en cambeos presupuestarios que se van presentar en futures feches. L’actualidá municipal ta marcada poles nuevu restricciones a l’actividá debíes a la pandemia y poles consecuencies económiques qu’estes traen. Enriba de la mesa tán les ayudes que quieren ponese en marcha empobinaes a los sectores más castigaos, y trabayar en soluciones pa entainar la so tramitación.