La Xunta de Gobiernu, axuntada en sesión telemática’l pasáu martes, aprobó la concesión de 759.380’81 euros en conceutu de subvenciones para la rehabilitación de fachaes. D’esta forma, tal que manifestó la vocera del gobiernu municipal, Marina Pineda, “cumplimos col nuesu compromisu de destinar tolos recursos que vaigan quedando disponibles al términu de cada exerciciu, a embrivir la delda que FORU contraxo cola ciudadanía de Xixón”. En concretu, les subvenciones van destinaes a seis comunidaes de propietarios, que son les siguientes:
| Rehabilitación de fachadas | IMPORTE |
| C/ Pintor Marola, Nº 1 | 297.679,78 € |
| C/ Doctor Aquilino Hurlé, Nº 8 | 3.361,53 € |
| C/ Manuel Junquera, Nº 35 | 154.823,68 € |
| C/ San José Nº 44 | 68.305,59 € |
| C/ Pintora Julia Alcayde, Nº 5 | 38.218,65 € |
| C/ Fernando Morán Lavandera, Nº 2 y Avda. de Manuel Llaneza, Nº 17 | 196.991,58 € |
Per otra parte, alcordóse conceder a les comunidaes de propietarios de la primer fase de les obres de rehabilitación del barriu de Portuarios un aumentu de la subvención por importe de 476.034’02 euros (ensin IVA), pagadera nes dos añalidaes restantes, a razón de 261.818’71 euros, IVA incluyíu, polo que les citaes añalidaes van xubir a la cantidá de 653.120’91 euros. La medría de la subvención respuende a los siguientes motivos:
L’antigüedá de los edificios obligó a la reconstrucción d’un gran númberu de los forxaos inclinaos de les cubiertes
La necesidá d’asumir los costos del cambéu del puntu d’entrada a les acometíes de servicios para nun aniciar obres nel interior de les viviendes y afaeles a los cambeos normativos
La dotación de distintos sistemes para realizar el caltenimientu de les edificaciones
La Xunta de Gobiernu aprobó, amás, la prórroga del contratu d’obres de caltenimientu y meyora de la infraestructura viaria, axudicáu a Alvargonzález Contrates S.A, hasta la finalización del procesu de llicitación y axudicación del nuevu contratu, que se va formalizar, previsiblemente a finales del mes de xineru de 2022. Con ellos haise autorizáu y comprometíu, igualmente, un gastu con Alvargonzález Contrates S.A por importe de 214.000 euros del vixente Presupuestu municipal, según autorizar un compromisu de gastu futuru de 386.000 euros, para l’añalidá 2022.
N’otru orde d’asuntos, alcordóse la concesión de les siguientes subvenciones dientro de la convocatoria d’incentivos a la innovación 2021:
Llínea I: aceleración de proyectos innovadores. 4 subvenciones por una cuantía total de 14.000 euros (8.400 con cargu al presupuestu 2021 y 5.600 con cargu al presupuestu 2022.
Llínea II: plataformes empresariales d’innovación. 11 subvenciones por una cuantía total de 320.456’01 euros (192.273’63 con cargu al presupuestu 2021 y 128.182’38 euros con cargu al presupuestu 2022).
Tamién s’aprobaron convenios con cuatro empreses para’l desenvolvimientu de práctiques non llaborales para moces, nel marcu de l’Axencia d’Activación Xuvenil 2021. Les citaes empreses son:
– NESTLÉ ESPAÑA SA (MARINIEGU) – 1 práctica non llaboral, puestu: Operario/a de Producción.
– INGENIERÍA SIGLO XXI DE CULTURA ASTURIANA SL – 1 práctica non llaboral, puestu: Auxiliar d’arquivu.
–MEDICAL BEAUTY CARE HOLDING SLU – 1 práctica non llaboral, puestu: Técnicu/a de láser.
– VALDAVIDA ROBERTO SL – 1 práctica non llaboral, puestu: Ayudante de dependiente/a.
A lo último, diose lluz verde a la selección de técnicos/as programadores para la ellaboración d’una bolsa d’empléu temporal, que dexe cubrir les necesidaes urxentes de trabayu que puedan surdir nes que se riquir profesionales con esti perfil competencial, que nun puedan ser satisfechu con efectivos del personal municipal, al nun disponer d’esta categoría profesional.