La Xunta de Gobiernu, aconceyada telemáticamente esta mañana, aprobó 250 ayudes del programa ‘Xixón Reinicia’ por un total de 351.33’11 euros. Del total d’ayudes aprobaes güei, 129 correspuenden a la llínea 1 (315.021´99 euros) y 121 a la llínea 2 (36.311’12 euros).
El programa ‘Xixón Reinicia’ inclúi dos llínees d’ayudes, la llínea 1 que’l so oxetivu ye facilitar la reincorporación al trabayu de les persones afectaes por un ERTE con una subvención de 1.500 euros per trabayador/a incorporáu/a a xornada completa o parte proporcional en casos de contratu a tiempu parcial. Y la llínea 2, con una subvención máxima de 500 euros, destinada a los gastos de reapertura de negociu o actividá económica. El creitu asignáu a dambes llínees ye de 5 millones d’euros, 3.500.000 euros na llínea 1, y 1.500.000 euros na llínea 2.
Una vegada verificada la esistencia de creitu abondu para faer frente a les 2.040 solicitúes presentaes, ser alcordó resolver los espedientes por rioles, a midida que vaigan rematándose les xeres de comprobación y subsanación.
Per otru llau, la Xunta de Gobiernu dio lluz verde a la declaración para 2021 de zona de gran arribación turística, calteniendo l’alcordada pol Plenu Municipal en payares de 2015, qu’entiende’l siguiente perímetru: Plaza del Marqués, Jardines de la Reina, calle Rodríguez San Pedro y Pedro Duro, avenida de la costa hasta Ramón y Cajal, cais Menéndez Pelayo, Marqués de Casa Valdés y Capua, Jardínes del Náutico, calle Cabrales y Plaza Mayor. Coles mesmes, los domingos d’apertura van ser los díes 8 y 29 d’agostu.
Tamién s’aprobó güei la convocatoria de subvenciones, con un presupuestu global de 8.000 euros, destinaes a les asociaciones, entidaes ensin ánimu d’arriquecimientu y persones físiques cuidadores de colonies felines, legalmente rexistraes pol Conceyu, en réxime de concurrencia competitiva. L’oxetu d’esta convocatoria ye la subvención de les actividaes y programes d’interés en materia d’atención a los animales abandonaos mientres l’exerciciu 2020.
La Xunta aprobó la convocatoria de selección para la ellaboración d’una bolsa d’empléu temporal municipal de lletraos/as consistoriales, n’ares a cubrir les necesidaes urxentes d’esta categoría na Asesoría Xurídica, y otres que puedan surdir dientro de la Organización municipal. La publicación de les bases d’esta convocatoria nel Boletín Oficial del Principáu d’Asturies, va determinar l’apertura del plazu de presentación d’instancies, mientres los 10 díes arteros a cuntar a partir del día siguiente a dicha publicación.
Amás aprobóse la imputación de los fondos recibíos de la Secretaría d’Estáu d’Igualdá, correspondientes al pagu de los fondos del Pactu d’Estáu contra la Violencia de Xéneru a los conceyos, para la realización de proyectos o programes dende’l 1 de xunetu de 2019 hasta’l 17 de setiembre de 2020, a los costos salariales y de seguridá social de l’Abogada de sofitu y la Psicóloga del Centru Asesor de la Muyer, contrataes para l’atención integral a víctimes de violencia de xéneru y a los costos del Programa “Punto Lila”, exerciciu 2020. La subvención recibida xube a un importe de 65.070’77 euros.
Fora del orde del día, la Xunta aprobó la certificación-midida final de les obres del edificiu de Tabacalera. El 18 de mayu de 2015, L’Alcaldía aprobó’l proyectu de CONSOLIDACIÓN EDIFICIO ANTIGUA FABRICA DE TABACOS, con un presupuestu Base de Llicitación de 7.554.044’31 euros, al que-y correspuende un IVA de 1.586.349’31 euros y un plazu d’execución de quince meses.
El 17 de payares de 2015 en Xunta de Gobiernu, axudicóse’l contratu a favor de la empresa UTE TABACALERA, nel preciu ufiertáu de 3.968.139’48 euros más 833.309’29 euros de IVA.
El contratu alministrativu foi robláu en fecha 15 d’avientu de 2015. L’Acta d’Entamu roblóse’l día 13 de mayu de 2.016, cuntando con un plazu d’execución de quince meses.
Mientres la execución del contratu concedieron dos ampliaciones de plazu d’execución d’ocho y siete meses respectivamente ( alcuerdos
Xunta de Gobiernu Local de fecha 8 Agostu 2017 y 10 Abril 2018), suspendióse la execución de la obra con efectos 1 de setiembre de 2018 para tramitar unu cambéu de proyectu que foi axudicada por alcuerdu de la Xunta de fecha 25 de Xunu de 2019, cola axudicación del contratu modificáu llevántose la suspensión temporal de les obres con efectu de 1 d’agostu de 2019 afitando’l plazu d’execución de les obres correspondientes al proyectu modificáu n’ocho meses y quince díes.
La execución de les obres tamién se vieron afectaes pola suspensión temporal total del contratu derivaes de la publicación del Real Decreto-Llei 10/2020, de 29 de marzu pol que se regula un permisu retribuido recuperable para parir les persones trabayadores por cuenta ayena que nun empresten servicios esenciales.
El 5 Mayu de 2020, en Xunta de Gobiernu concédese una ampliación del plazu d’execución de dos meses y quince díes naturales teniendo llugar la finalización de les obres el 13 de Julio de 2020.
El 22 de xunetu de 2020 roblóse l’Acta de Recepción de les obres; La execución de les obres, tal que consta nel informe técnicu, remataron dientro del plazu establecíu nel contratu.
Con fecha 21 de setiembre de 2020 la dirección facultativa de les obres emitió la certificación midida-final de les obres de la que, resulten los siguientes datos:
| CONCEUTOS | IMPORTES |
| Execución material | 608.800,27 |
| Gastos xenerales y beneficiu industrial 19% | 115.672,06 |
| El 47,4699999% baxa axudicación | -343.907,01 |
| Importe de la certificación | 380.565,32 |
| IVA | 79.918,72 |
| TOTAL | 460.484,04 |
A lo último, la Xunta de Gobiernu aprobó la solicitú de prórroga d’una añu, dende’l 1 de febreru de 2021 al 31 de xineru de 2022, de la empresa encargada del serviciu de llimpieza y caltenimientu n’escueles infantiles de 0 a 3 años con criteriu calidable nel empléu, por un total de 415.372’76 euros.