Como cada 8 de marzu los y les socialistes conmemoramos y recapitulamos les reivindicaciones del feminismu, del que formamos parte. Reivindicaciones d’igualdá ente homes y muyeres, de xusticia social, por que la nuesa sociedá sía meyor sofitándose nos valores del bien común y la equidad.
Na nuesa ciudá’l feminismu local contribuyó de forma importante a la construcción d’una ciudadanía activa, participativa y crítica.
N’anguaño que llevamos de pandemia enfrentemos a situaciones de gran dificultá nos terrenes de la salú, la economía y el funcionamientu de les nueses vides individual y familiar. Situaciones que vivimos bien de barganal, y poles que creemos xusto faer una reconocencia espreso a la contribución de les muyeres en tolos sectores esenciales, pa poder desenvolver con normalidá la vida cotidiana. Sectores como’l sanitariu, l’educativu, el de l’alimentación, el de la llimpieza, el serviciu domésticu, l’ayuda domiciliaria, les Alministraciones públiques, según otros servicios conformaos na so mayoría por trabayadores. Trabayadores que tuvieron en primer llínea pa facilitanos la vida a toos y toes.
Queremos treslladar tamién, nestos momentos de fraxilidá énte la COVID-19, l’enorme valor social del cuidu, que sigue recayendo, principalmente, sobro les muyeres. Consiguimos qu’adulces se crearen y desenvolvieren servicios p’ayudar na xera del cuidu. Xeres nes que los homes tienen de xugar el so papel en planu d’igualdá. Curiar tien de ser xera de toos y toes, y de les Alministraciones públiques, creando y ameyorando los nuesos servicios.
Los y les socialistes vamos siguir trabayando con firmeza y compromisu, ellí onde teamos, a favor de la igualdá ente muyeres y homes.
Llanzamos un mensaxe de sofitu, prudencia y prevención énte les celebraciones del 8 de marzu. Sumamos a los actos reivindicativos que nos balcones o al traviés de les redes sociales celebrar pa conmemorar esta fecha fundamental, cumpliendo tolos encamientos sanitarios, ¡sigamos curiándonos!
Viva’l 8 de marzu.
Agrupación Municipal Socialista de Xixón/Xixón