XIXÓN, 13 (EUROPA PRESS)
L’ALCALDESA DE XIXÓN, Ana González, destacó esti llunes que trabayen col Principáu para intentar acelerar tolo posible la llicitación de l’ampliación del hospital de Cabueñes.
Nesti sentíu, apuntó que los pliegos tán “bien avanzaos” y que van caltener col Principáu una próxima xunta para afitar el cronograma de les obres.
Asina lo manifestó, en declaraciones a los medios de comunicación, tres la firma nel Conceyu de la cesión al Principáu d’una de les finques que se precisa para l’ampliación al hospital de Cabueñes.
González apuntó que l’ampliación de Cabueñes ye una de les obres más importantes del mandatu para la ciudá, polo que’l Conceyu tien de sofitar ya impulsar esta, intentando acelerar toles cesiones que se precisen.
Y anque señaló que yá se tienen toles cesiones de les parceles precises para l’ampliación, apuntó que ye precisu cuntar tamién coles necesaries na redolada d’este, como pueda ser para accesos o aparcamientos.
A esti respectu, señaló qu’entá queda dalguna finca por rematar, porque non toes son del Conceyu y tien d’axustase colos propietarios. En tou, casu, esplicó que yá colo qu’hai disponible yá sería posible la llicitación.
Esplicó, xuníu a ello, que son cesiones por 30 años, col requisitu de qu’antes de diez empiecen les obres, a lo qu’aprofió qu’estes van empezar antes. Unes cesiones que se van dir anovando.
La rexidora xixonesa indicó que los centros hospitalarios, amás del serviciu sanitariu qu’empresten, son un sector estratéxicu d’empléu y d’investigación, al que va amestáu la creación d’empreses, como pueda ser les venceyaes a la investigación biomédica.