Nota de prensa, 27 de xineru de 2021
El Conceyu de Xixón y l’empresa concesionaria del Acuariu, Rain Forest S.L., van centrar los sos esfuerzos na busca de fondos para acometer les meyores necesaries que dexen al Acuariu crecer, oxetivu prioritariu de dambes partes por que Xixón cunte con unes instalaciones de futuru y de referencia n’Europa.
Asina lo alcordaron n’una xunta na que participaron, per parte del Conceyu, el conceyal de Mediu Ambiente y la directora xeneral d’Innovación, Aurelio Martín y Patricia García Zapico, respectivamente, xuntu al xerente del Acuariu, Alejandro Beneit y la directiva de Rain Forest.
Coles mesmes, el Conceyu amosó’l so escepticismu énte’l proyectu de bioparc que “tan solo ye xuna idea per parte de la empresa, pero en nengún casu prioritaria pal Consistoriu” como yá se-yos treslladó nel so momentu.
Al respective de les declaraciones realizaes esta mañana pol Grupu Municipal de FORO, el conceyal de Mediu Ambiente aseguró que “a cencielles respuenden a un deliriu”. “Precisamente lo que vinimos faer ye desmontar el parque temáticu nel que l’anterior gobiernu municipal convirtió al Xardín Botánicu Atlánticu”, concluyó.