«Los seres humanos nacen llibres ya iguales en dignidá y derechos ensin distinción dalguna. Los derechos LGTBI son y van ser siempres derechos humanos. Tenemos De trabayar per un mundu d’absoluta tolerancia, llibertá ya igualdá.
El próximu 28 de xunu celebra’l Día Internacional de Llesbianes, Gais, Bisexuales, Transexuales y Intersexuales; que conmemora en tol mundu los fechos acaecíos na nueche del 28 de xunu de 1969 nel pub Stonewall, asitiáu nel barriu neoyorquín de Greenwich Village. Estos fechos dieron orixe y son consideraos como’l catalizador del movimientu internacional pola reconocencia de los derechos de les persones LGTBI y dende 1970 conmemórase dicha efeméride.
Esti día recuérdanos la importancia de siguir construyendo sociedaes más tolerantes que convivan en diversidá y promuevan el cumplimientu de los derechos frayaos de les persones LGTBI.
Esta ye una xornada para siguir movilizándose por una sociedá diversa y respetuosa coles diversidaes de xéneru, capaz de erradicar l’odiu y les discriminaciones; para siguir afondando na democracia y los sos derechos
Tenemos De trabayar per un mundu d’absoluta tolerancia, llibertá ya igualdá. Avanzóse, pero precísase siguir nel enfotu y eso rique tiempu, esfuerzu y esfotu, hai que denunciar la homofobia inclusive si preséntase como diversión inocua o un tratu cultural aceptáu. Ye discriminación y debemos como axentes responsables lluchar contra ella y empeñanos en llograr Ciudaes llibres ya igualitaries.
Dende les Instituciones tenemos d’asegurar la igualdá efectiva de toles persones LGTBI y les sos families, como elementu esencial d’una bona convivencia para’l progresu y el desenvolvimientu social.
Ye la nuesa obligación frenar los discursos del odiu que dende va dalgún tiempu viénense escucháu, faciendo de muriu para concenciar a la sociedá por que toes les persones ensin importar la so identidá o orientación sexual puedan exercer, ensin mieu y con respetu, toles facultaes y derechos que-yos correspuenden como ciudadanos y ciudadanes de plenu derechu.
Nesti sentíu en marzu del añu pasáu, el Parlamentu Européu aprobó unu Resolvimientu contundente onde se declara que la Unión Europea ye zona de llibertá para les persones LGTBI y que nun se tolerará la retórica peligroso y discriminatorio que torga que millones de ciudadanos y ciudadanes vivan llibremente.
Los conceyos, como instituciones más cercanes a la ciudadanía somos garantes d’una acción local clara pola igualdá y la defensa de la convivencia, con independencia de la raza, sexu, relixón, opinión o cualesquier otra condición o circunstancia personal o social.
Por tollo, el Plenu del Conceyu de Xixón:
• Xuntar a la Declaración Institucional aprobada pola FEMP y sumir na defensa nítida del derechu a la plena igualdá, a la dignidá y al llibre desenvolvimientu de la identidá sexual y/o de xéneru.
• Amuesa’l so compromisu de siguir na promoción d’actitúes y polítiques que favorezan la concienciación social para un efectivu cambéu de mentalidá que erradique les actitúes LGTBIfóbicas y el refugu a les mesmes.
• Creemos necesariu texer y consiguir amplios consensos por que se adopten les midíes necesaries, tantu lexislatives como alministratives y d’otra índole, para prohibir y esaniciar el tratu discriminatoriu basáu na orientación sexual o la identidá de xéneru en cualquier nivel de l’Alministración y ameyorar asina la lexislación vixente.
• Manifestamos la nuesa especial esmolición polos múltiples casos documentados internacionalmente que ponen de manifiestu, entá güei, la criminalización en dellos países de la homosexualidá y transexualidá, privación de derechos y discriminación llegal, según la impunidá d’estos crímenes».