El Conceyu de Xixón activó a primer hora d’esta mañana’l Protocolu d’actuación por eventos contaminantes na mariña, tres les intenses y siguíes agües rexistraes na ciudá nes últimes hores, que provocaron alivios nel ríu Piles.
Por cuenta de l’activación d’esti protocolu, dar en cerrar la sablera de San Llorienzo, ente les escaleres 12 y 15, nes que ondeará la bandera colorada y, poro, va tar prohibíu’l bañu hasta la desactivación del protocolu, prevista cuando cesen les agües tan intenses.
El Protocolu foi actualizáu fai daqué más d’un añu, y encetáu nel senu de la Comisión Técnica de la Mariña, alzándose como un preséu qu’establez los procedimientos d’actuación de les distintes árees y organismos municipales énte eventos contaminantes nes zones de bañu.
Coles mesmes clarifica los procedimientos d’actuación según el tipu de contaminante ya incorpora tipos que nun taben contemplaos hasta agora como los llurdios de carbón, les borrafes tres el pasu d’una nube, o les algues.