El Conceyu de Xixón empecipió la execución del contratu de suministru y allugamientu de xuegos infantiles, dotáu con 250.000 euros y que va dexar la reposición de xuegos en cinco parques de la ciudá.
Los llabores, que se van enllargar hasta mediaos del mes de xunetu, inclúin la reposición del pavimentu de seguridá nos parques de Zarracina y San Agustín, según la instalación de calistenia nel parque Fluvial y l’allugamientu de xuegos biosaludables para persones mayores en Cimavilla.
La primera de les actuaciones ta acometiéndose nel parque infantil de Salvador Allende, darréu siguirán-y los parques de Pescadores, Plaza d’Europa, Parque Fluvial y Candanal.