Ye la penúltima actuación de les obres de la Sección de Brigaes de la zona rural del Plan d’Empléu 2020-2021
El Conceyu de Xixón remató güei les obres para la meyora de l’accesibilidá nes zones piatonales del Camín del Carbayu de Granda. Haise hormigonado la cera esistente con unu llargor de 105’7 metros y un anchu de 2 metros, corrixéronse pindios y dispúnxose pavimentu sensorial, cumpliendo d’esta miente colos criterios d’accesibilidá universal.
Esta actuación, que foi executada en trés selmanes con un costu de 7.213 euros, ye la penúltima de les obres llevaes a cabu pola Sección de Brigaes con cargu al Plan d’Empléu 2020-2021. Solo quedaría por rematar l’enanche y hormigonado del Camín de Les Fonticas y de un tramu del Camín del Calderón hasta’l Camín del Carboneru de Llavandera, fecháu para’l próximu 9 d’abril.
Fueron 25 persones les que llevaron a cabu un total de 9 intervenciones na zona rural, que’l so presupuestu xube a 489.019 euros. Destaca l’acondicionamientu del Camín Antiguu d’Uviéu a Ambás para convertilo n’una sienda d’usu compartíu ciclu-piatonal y para dexar l’accesu de vehículos a les finques a les que da serviciu; la construcción d’un arcén piatonal y hormigonado nel Camín de la Cuesta del Cementeriu de Veriña; o la urbanización de la zona d’aparcamientu de la see vecinal de la Parroquia de La Pedrera.