El Conceyu de Xixón asegura que’l Colexu d’Inxenieros de Caminos, Canales y Puertos yá ta participando nel procesu de participación abiertu para definir la reforma definitiva del paséu del muriu de la Sablera de San Llorienzo y, por ello, manifestó la so sorpresa en lleendo’l comunicáu unviáu pol organismu a esti respectu.
El Gobiernu municipal “nun entiende que soliciten una participación que yá tán teniendo”, habida cuenta de que la presidenta de la comisión caltuvo delles entrevistes con dos miembros de la so xunta directiva, unu en representación del propiu Colexu y l’otru na so calidá de técnicu de la Viceconsejería d’Infraestructures, Movilidá y Territoriu del Gobiernu del Principáu d’Asturies.
Tocantes a les apreciaciones realizaes pol Colexu nel so comunicáu, el Conceyu recuerda que l’actuación desenvuelta nel paséu del Muriu tien, al igual qu’otres peatonalizaciones que se fixeron na ciudá mientres los últimos meses, una relación directa colos encamientos sanitarios derivaes de la pandemia de la covid-19 y la necesidá d’ampliar l’espaciu piatonal en zones allegaes para garantizar la distancia social, daqué que considera absolutamente irrebatible. Toles midíes adoptaes, tamién la del paséu marítimu, respuenden al denomináu “urbanismu tácticu”, tienen calter de provisionalidad y la so llegalidá foi respondida por por aciu informe pola Secretaría Xeneral del Conceyu.
Al respective de la reforma definitiva del paséu y la decisión del Gobiernu local d’impulsar un procesu participativu nel senu del Conseyu Social de la Ciudá, el Conceyu recuerda que’l proyectu va más allá de la movilidá y que’l reglamentu d’esti órganu establez ente les sos funciones la de “emitir informes, estudios y propuestes en materia de desenvolvimientu económicu local, planificación estratéxica de la ciudá y grandes proyectos urbanos”, según que la creación de la comisión de trabayu, y la so composición, incluyida la so presidencia, fueron aprobaes por unanimidá.
El procesu que s’empecipió diseñóse coles mires de promover la participación de distintos sectores económicos, sociales y políticos de la ciudá; desenvolver de forma autónoma y con independencia del gobiernu local; y cuenta con un respaldu técnicu qu’asegura la ellaboración de los estudios necesarios y l’adecuación de les actuaciones que se decidan a la normativa vixente.