Ana González consiera importantes la conclusión de la Variante de Payares y les inversiones n’El Musel
L’alcaldesa de Xixón, Ana González, anunció esti vienres que va pidir una xunta col ministru de Tresportes, Movilidá y Axenda Urbana, José Luis Ábalos, para «clarificar» dellos aspeutos de les inversiones de los Presupuestos Xenerales del Estáu nel conceyu.
González manifestóse «satisfecha» en términos xenerales de les partíes destinaes a Xixón y Asturies, anque consideró necesariu «clarificar» dellos aspeutos«, especialmente nel Plan de Víes. La rexidora entiende que «la estación nun puede tar siempres n’estudiu»
Consideró «importante» que s’acabe la variante ferroviaria de Payares, les inversiones previstes nel Puertu d’El Musel y nes víes d’accesu a la terminal marítima.
González valoró que se mente’l Plan de Víes nel proyectu de Presupuestos Xenerales del Estáu, pero amás hai que «clarificar» les inversiones y otros asuntos como la estación ferroviaria, que se debe terminar cuanto antes».
Añedió que’l vial de Jove «nun apaez» y «ye una de les coses irrenunciables pa Xixón, non solo pa solliviar la circulación de vehículos, sinón tamién por cuestiones medioambientales»