A partir del próximu 1 d’abril, les persones con movilidá amenorgada van disponer d’una nueva tarxeta ORA que-yos dexará aparcar en cualesquier de les 4.596 places disponibles en Xixón. Tamién van poder faelo nes 671 places d’aparcamientu reserváu d’usu esclusivu.
Esta midida, que foi axustada con COCEMFE, y va tener un costu de 12 céntimos al día (45€ añales). Amás, Les tarxetes van tar acomuñaes per primer vegada a la matrícula del vehículu. D’esta miente pretende tenese un mayor control y evitar los usos desaparentes que se producen, como reconocen inclusive los representantes del colectivu.
Tamién hai que tener en cuenta qu’esta midida enmárcase dientro de los cambeos na zona ORA que’l Conceyu lleva impulsando dende l’añu pasáu y que la so finalidá ye llograr una xestión más eficiente y equilibrada del aparcamientu reguláu, que tien amás una alta demanda na ciudá.
Quepe señalar per otru llau, que los vehículos ensin distintivu ambiental de persones con movilidá amenorgada, tán exentos de les restricciones d’aparcamientu na zona ORA qu’entraron a valir el pasáu 1 de xineru.
Por una movilidá sostenible.
Dende’l Conceyu de Xixón sigue apostándose amás por una movilidá sostenible comprometida cola inclusión social y l’accesibilidá universal. Tou coles mires de garantizar el desplazamientu y l’usu d’espacios públicos a toles persones n’igualdá de condiciones.
Para ello tánse implementando distintos midíes que pueda favorecer los desplazamientos piatonales seguros para persones con movilidá amenorgada, como l’enancháu de ceres, la xeneración de redes piatonales continues, les instalación de superficies podotáctiles nos pasos de peatones y les paraes d’autobús, o la estensión de los sistemes sonoros nos semáforos.
De la mesma, EMTUSA cuenta con una flota d’autobuses urbanos 100% accesibles, y el plan de retranqueos nes paraes facilita l’accesibilidá al tresporte públicu.