El plazu de presentación d’ufiertes ye de 30 díes naturales y la duración del contratu de 14 meses.
El Conceyu de Xixón publicó al traviés del portal de contratación electrónica la llicitación del contratu d’asistencia técnica para la ellaboración del Plan de Movilidá Sostenible 2021-2030 con una duración de 14 meses y un presupuestu base de 108.900 euros IVA incluyíu. El plazu de presentación d’ufiertes ye de 30 díes naturales.
L’oxetu de l’asistencia técnica ye la contratación de los trabayos necesarios para la ellaboración del Plan de Movilidá Sostenible y la so correspondiente evaluación ambiental estratéxica ordinaria.
El pliegu de prescripciones técniques establez que’l nuevu plan tendrá d’asegurar un equilibriu ente les necesidaes de movilidá y accesibilidá, de forma que favoreza la protección del mediu ambiente y l’amenorgamientu del consumu d’enerxía, impulse una crecedera económica sostenible y ameyore la cohesión social y l’accesibilidá universal como principios básicos pa una movilidá sostenible. Va Deber amás tener en cuenta les sinergias cola Área Central d’Asturies.
La ellaboración del plan va riquir coles mesmes xuna metodoloxía de participación y concienciación ciudadana y va garantizar la implicación nel so desenvolvimientu d’organizaciones polítiques, sociales y empresariales.
Los trabayos, con una duración de 14 meses ensin posibilidá de prórroga, van executar en seis fases:
- Diagnósticu de la situación preoperacional: 2 meses.
- Borrador del Plan de Movilidá y Documentu Inicial Estratéxicu: 1 mes y dos selmanes.
- Procesu de consultes previes y notificación al órganu ambiental: 3 meses.
- Estudiu Ambiental Estratéxicu y versión inicial del Plan de Movilidá: 3 meses.
- Consulta a les Alministraciones Públiques afectaes y a les persones comenenciudes ya Informe d’Allegamientos: 3 meses y 2 selmanes.
- Propuesta final del Plan de Movilidá y documentu de síntesis: 1 mes.