El Conceyu de Xixón empecipia’l llunes, 23 de payares, los trabayos previos a la renovación de les ceres traseres del barriu de Pescadores.
So la supervisión y control de la Empresa Municipal d’Agües, va realizase una busca d’acometíes de suministru d’agua para llevar a cabu una conducción alternativa provisional col fin de causar les menores afecciones el vecinderu mientres se realicen les baltaderes y l’instalación de la tubería definitiva, yá que tamién se va llevar a cabu la sustitución de la rede de suministru de la zona. Coles mesmes, va dotar d’una rede de drenaxe que va recoyer tantu les agües pluviales como les posibles filtraciones de la zona verde, protexendo d’esta miente les fachaes de los edificios.
Darréu, el día 1 d’avientu, van empezar les obres para ameyorar y enanchar les ceres hasta una midida final de 1’80 metros que cumpla cola normativa sobro accesibilidá.
Esti proyectu contempla xuna actuación sobro una superficie total de 350 m2 y ta venceyáu al contratu de Caltenimientu Viaria. Foi axudicáu na Xunta de Gobiernu celebrada’l 22 de setiembre a Alvargonzález Contratas S.A. por 60.493’21 euros con un plazu d’execución de 3 meses.