El conceyal de Promoción Económica, Empléu, Turismu y Comerciu Local, Santos Tejón, informó ayeri en comisión de que la puesta en marcha d’un programa de bonos de descuentu como’l que plantega’l Conceyu pa potenciar les compres nel comerciu y l’hostelería de la ciudá podría llevar «ente dos y cinco meses». La so dotación económica, qu’ayeri nun concretó pero que según lo treslladao a patronal y sindicatos xubiría a 1,6 millones d’euros, diría yá con cargu al presupuestu de 2021. O, pa ser más esactos, con cargu a una prórroga que precisaría pa ello de l’aprobación del necesariu cambéu presupuestariu, nunca antes de xineru. Dempués, entá tendríen d’aprobase les bases de la convocatoria y desenvolver les aplicaciones y ferramientes informátiques necesaries pa garantizar la operatividad del programa.