El Conceyu de Xixón empecipia mañana miércoles, 29 de xunetu, les obres d’ampliación de los espacios piatonales redolada a la Sablera de San Llorienzo col fin de garantizar el distanciamientu social esixíu para prevenir el riesgu d’andada pol SARS-COV-2 y los posibles rebrotes.
Esta actuación tien por oxetu tresformar n’usu piatonal el carril de circulación del Paséu del Muriu dende Avenida de Castiella hasta Xardinos del Naútico, tramu que yá permanez zarráu al tráficu. Para ello, va modificase’l trazáu del carril bici esistente y va proxectase nel carril de circulación sentíu cai Eladio Carreño con Avenida de Castiella, esaniciando, d’esta miente, el tránsitu de vehículos nel carril esquierdu. Para cumplir colos criterios d’accesibilidá, va baltase parte de la cera esistente nos puntos onde nun esiste barrera vexetal, lo que de la mesma garantiza la continuidá ya integridá ente los dos nuevos espacios piatonales.
Coles mesmes, inclúi la execución del anunciáu corredor piatonal dende’l Paséu de Begoña hasta la mesma sablera. Trescurre pola cai Cuadonga, peatonalizada dende güei, pola cai Ruiz Gómez y por callar Caridá, creando siempres un itinerariu piatonal accesible en tolos sos puntos y con pasos de peatones de gran tamañu naquellos puntos onde’l corredor crucia con un vial nel que se caltenga la circulación de los vehículos.
Nel proyectu, realizáu pola Conceyalía d’Obres Públiques arriendes de la reordenación llevada a cabu pola conceyalía de Movilidá, contémplase l’aplicación de pintures acríliques que va venceyar dambes intervenciones y que ye reversible en casu de que fuera necesariu. En concretu, les obres van realizar nun mes y xuna selmana y fueron axudicaes a la empresa Bienes y Obres del Principáu S.A. por 229.797’15euros.
Trátase, a última hora, d’una intervención mínima d’emerxencia pa garantizar la distancia ente peatonos acorde a les midíes y propuestes establecíes pa consiguir una movilidá más segura y saludable qu’amenorgue’l riesgu d’andaes en llugares públicos onde hai xuna gran concentración de persones.