La concejala d’Urbanismu del Conceyu de Xixón, Dolores Patón, afirmó nel plenu municipal que l’allugamientu de la nueva estación d’ITV na parroquia rural de Granda “nun ye afecha”.
“Creemos firmemente que l’allugamientu de la nueva estación nun ye la fayadiza”, afirmó Patón énte una entruga del conceyal de Ciudadanos Rubén Pérez Carcedo sobro’l proyectu, yá que considera que non se adecua a los requisitos qu’afita’l Real Decretu sobro les condiciones que tienen de cumplir les estaciones d’ITV, lo que lu lleva a pidir un informe adicional.
Patón aseguró que’l llunes revisóse la edificabilidad de la parcela ya informóse a industria de que la instalación nun tien escosada la so edificabilidad y tien un 35% más.
Amás, señaló que l’informe fala d’un fácil accesu a les instalaciones, porque va compartir accesu a una nave na qu’operen vehículos de grandes dimensiones y l’aumentu del tránsitu va ser del 22 per cientu.