El Conceyu de Xixón remata les obres de tresformamientu de la sienda d’usu compartíu del Camín Antiguu d’Uviéu a Ambás alcontráu en Serín. Güei inauguróse la segunda fase del proyectu que se correspuende colos trabayos realizaos ente’l Camín del Monte Areo y el Camín de la Umbría.
Acondicionóse un camín de tierra que tenía 2’60 metros d’anchu mediu, elevaes rimaes y zones intransitables pola vexetación, atopándose inclusive integráu nes finques colindantes. Por ello, foi necesariu tamién deslindar el camín pa la so recuperación. Actuóse nuna superficie de casi 4.000 metros cuadraos con un llargor de 1230 metros.
Personal procedente del Plan d’Empléu 2020/2021 del Conceyu encargóse de llevar a cabu les obres nun plazu de cuatro meses, que’l so presupuesto xube a 86.299’21 euros.
D’esta miente, xuntu al tramu yá executáu nel Camín del Viso y el Camín del Monteo Areo, constitúi un itinerariu ciclu piatonal de más de 2 kilómetru que xune la zona de la Cruciada col Monte Areo. Los propietarios de les finques a les que da serviciu van poder amás aportar colos sos vehículos.