Nota de prensa
El Conceyu de Xixón unvió xuna carta esta mañana a la Conseyería d’Industria, Empléu y Promoción Económica, na que propón la permuta de la parcela adquirida por ITVASA a la Cooperativa de Llabradores, pa la instalación d’un estación d’Inspección Técnica de Vehículos en Granda, por una de les parceles municipales, afeches al usu solicitáu, allugaes nel polígonu industrial de Lloreda ya incluyíes nel llistáu facilitáu nel so momentu pol Consistoriu. Concretamente, esisten dos parceles posibles, la 11-2133 y la 11-2135, con una superficie de 19.244 metros cuadraos caúna, y la posibilidá de segregar la superficie necesaria pa la instalación.
Mientres los servicios técnicos municipales siguen evaluando los cambeos del proyectu, presentaes por ITVASA en respuesta a los requerimientos realizaos, y énte el discutiniu xeneráu pol allugamientu d’esta nueva estación nuna zona predominantemente industrial, magar que la normativa urbanística califica esi suelu como industrial, el Conceyu considera oportunu ufiertar delles alternatives que contribuyan a resolver la situación, embriviendo los perxuicios pa toos les partes implicaes.
Según esplicó la concejala de Facienda, y vocera del equipu de Gobiernu, Marina Pineda, dende’l Consistoriu túvose en cuenta tamién, a la de realizar esta ufierta, les declaraciones realizaes, tanto pol conseyeru como por otros miembros de la Conseyería, según les cualos l’allugamientu d’esta estación nuna zona concreta de la ciudá yá nun yera requisitu imprescindible.
Coles mesmes, y como otra posible alternativa a la parroquia de Granda, el Conceyu tresmitió al Principáu la posibilidá de que ITVASA instale la nueva ITV n’una de les parceles de titularidá autonómica allugaes en ZALIA, que la so operatividad va resolvese llueu, y que sirviría amás pa empezar a movilizar la zona loxística, exerciendo d’elementu tractor pa otres actividaes.
A lo último, el Conceyu de Xixón púnxose a disposición del Gobiernu del Principáu, al igual que fixo dende’l principiu, pa buscar soluciones definitives que dexen dar per atayada esta situación.