Xixón, 20 ene (EFE).- El Conceyu de Xixón va plantegar la creación d’ayudes directes para ayudar a los sectores más afectaos pola tercer fola del coronavirus que se vieron afectaos poles restricciones para faer frente a la pandemia, principalmente locales d’hostelería que nun cunten con terraza., Asina lo afirmó’l conceyal d’Economía, Santos Tejón, nel plenu de xineru nel que Foro defendió una proposición por que el equipu de gobiernu realice un calendariu realista” sobro la concesión d’ayudes pa faer frente a la crisis derivada del covid que dea “tranquilidá” a los sos beneficiarios.
El voceru de Foro, Jesús Martínez Salvador, esplicó que la propuesta, que foi aprobada, busca que’l Conceyu apurra “daqué de certidumbre nun ámbitu de la so competencia como la tramitación de les sos propies ayudes”.
Tejón afirmó qu’a la vista de que la situación “nun puede allargar más” y ye necesariu “desaniciar los graves problemes” que sufren los afectaos pola crisis el Conceyu va faer usu del creitu disponible n’Economía pa faer frente a los pagos de les ayudes yá convocaes que podríen tar pagaes en febreru si nun hai imprevistos.
Amás, va plantegar na mesa de negociación l’activación d’unes nueves ayudes directes pa los sectores más afectaos pola tercer fola, principalmente locales d’hostelería ensin terraza, que van poder aportar a elles cola presentación d’una declaración responsable y que van poder pagase en marzu.
La cuantía de les ayudes nun va ser menor d’un millón d’euros, avanzó’l conceyal de Desenvolvimientu Urbanísticu, José Luis Fernández, qu’afirmó que la instalación de terraces na calzada nun axuntaría condiciones de seguridá y accesibilidá.
Según esplicó, la so instalación traería un importante desembolsu económicu pa los negocios y tendría un “evidente impactu” nel sistema d’aparcamientu” porque s’amenorgaría considerablemente’l númberu de places.
Amás, indicó que les ciudaes nes que s’enllantó la midida hubo un “fuerte refugu vecinal”.