Xixón, 20 ene (EFE).- El Conceyu de Xixón ta trabayando na redacción del proyectu para la conversión del edificiu Vicasa, nel barriu de La Calzada, nun albergue de pelegrinos, que les sos obres ta previstu qu’arrinquen l’añu que vien.
Asina lo dixo’l conceyal d’Economía, Santos Tejón, qu’afirmó qu’envalora que’l proyectu tea termináu antes de rematar el primer semestre del añu y les obres puedan empezar l’añu que vien.
Ante la celebración del Añu Xacobeo en 2021, Tejón afirmó qu’anguaño nun ye posible programar actividaes por cuenta de les restricciones pa frenar la pandemia de coronavirus, pero’l Conceyu tien pensáu impulsar iniciatives como la creación de finxos nuevos na señalización del camín principal y de la variante alternativa.
Tamién tien previstu editar folletos específicos sobre’l camín en Xixón y promocionalo en feries como Fitur o n’otres internacionales en Nantes o París.