- La escampada foi asfaltada para dexala como taba antes d’empecipiase la obra, tal que recueye’l proyectu del Pozu de Tormentas
El Conceyu de Xixón va enllantar zones verdes y usos compatibles col Plan Xeneral d’Ordenación na escampada del parque de los Hermanos Castro, pa lo cual va acometese un proyectu que va amestar esta zona verde al nuevu vial de la Feria d’Amueses, de manera que s’execute una actuación conxunta en tou esi ámbitu.
Tal que esplicó’l conceyal d’Obres Públiques y presidente de EMA, Olmo Ron, la escampada asfaltóse porque asina apaecía recoyíu nel proyectu del pozu de nubes aprobáu’l pasáu 2018. Un proyectu que foi imposible de modificar de manera que pudiera evitase l’asfaltáu d’esa zona porque, ente otres cuestiones, yera inasumible económicamente tres el modificáu qu’hubo qu’encarar en 2019 porque’l diseñu inicial taba mal fechu.
A lo último, el conceyal manifestó la so sorpresa yá que “el mesmu gobiernu qu’aprobó’l proyectu del pozu de nubes en 2018, que recoyía la obligatoriedá de qu’esa zona volviera al estáu anterior a la intervención, foi’l que dio lluz verde al Plan Xeneral d’Ordenación que recueye la prevalencia de zones verdes nesa zona”.