El Conceyu de Xixón va formar a 200 persones al traviés del programa Alc@nza del Plan Local de Formación, que va empezar esti llunes 1 de marzu.
Ufiertáronse ocho cursos y talleres online d’ente 30 hores y 110 hores formatives, impartíos por Dicampus, que la so finalidá ye ameyorar la empleabilidá y les competencies dixitales de les y los participantes. Los que tienen xuna duración menor a 50 hores tán dirixíos a ameyorar les aptitúes énte’l manexu de les ferramientes informátiques habituales, como Excel, Word y Acces, l’alministración y facturación electrónica o la seguridá informática na xestión empresarial. Les formaciones más avanzaes van destinaes a aquelles persones comenenciudes n’especializase n’ámbitos como’l marketing dixital, la xestión de redes sociales pa pymes y autónomos con certificación oficial, o la dinamización del allugamientu SEO, SEM y analítica WEB con certificación en Google Analytics.
Del total de les inscripciones recibíes pa estes formaciones online, el 74% son muyeres y el 26% homes.
Amás, ta abiertu’l plazu d’inscripción pa los dos cursos del programa Alcnza que se van desenvolver de forma presencial: ‘’Iniciación a la impresión en 3D’’ y ‘’Ferramientes dixitales pal empoderamiento de muyeres entamadores y directives’’. Esti postreru tratar d’una nueva edición del programa pal desenvolvimientu d’una estratexa de creación de marca profesional y empresarial basáu na innovación, la comunicación y el empoderamiento femenín.
Cabo recordar que toes estes acciones formatives tán dirixíes, preferentemente, a persones desemplegaes empadronaes en Xixón, con edaes entendíes ente los 16 y 65 años. Van Poder participar, coles mesmes, persones en réxime d’autónomos o en ERTE.