Nota de prensa, 28 de xineru de 2021
El Conseyu de Muyeres de Xixón avanza na ellaboración de la Carta Local de les Muyeres que va definir l’axenda feminista para los próximos cuatro años y va recoyer les demandes de les muyeres del conceyu.
Na xunta, celebrada’l 28 de xineru y presidida pola alcaldesa de Xixón, Ana González Rodríguez, definióse la metodoloxía de trabayu para la creación d’esti documentu que parte de la collaboración de les distintes asociaciones del Conseyu. En venciendo’l plazu de vixencia de l’anterior, el primer pasu para la redacción de la nueva Carta de Les Muyeres va ser la realización d’un diagnósticu que dexe conocer la situación de les muyeres dende distintes categoríes d’analises.
Per otru llau, nel Conseyu de Muyeres tamién se dieron a conocer les distintes llínees d’actuación de la Dirección Xeneral d’Igualdá para’l presente añu, con especial mención a la reformulación de lo que se venía denomináu “Unidá de Xéneru” o la Mesa del Cuidu, que va centrar la so acción sobro la economía del cuidu, encetando’l cuidu dende distintos ámbitos como l’empléu, la salú, la cultura o la movilidá. Coles mesmes, punxéronse de mancomún distintos propuestes sobro lema que va acompañar la celebración del 8 de marzu.