El pasáu vienres 18 de febreru, l’Agrupación Municipal Socialista de Xixón caltuvo una xunta con UGT Xixón, como primer toma de contactu de dambes executives tres la elección de postrera nel congresu ordinariu celebráu n’ochobre del pasáu añu.
En representación del PSOE xixonés, allegaron el so secretariu xeneral, Iván Fernández Ardura, y el secretariu de Relaciones Llaborales, Industriales y Sindicales de l’Agrupación y diputáu autonómicu, Alfonso Albadalejo. Per parte UGT Xixón, el secretariu xeneral, Juan José Iglesias Martínez, y el d’Organización, Manuel Antonio Fernández Suárez.
Con esta xunta, que trescurrió nun clima de gran sintonía y cordialidá, quixeron buscase calces de collaboración y puntos d’alcuentru na defensa de los derechos de les y el trabayadores, según les víes para encarar los retos económicu y social nel nuesu conceyu.
El deséu ye siguir calteniendo una relación fluyida ente dambes organizaciones, históricamente venceyaes.