El pasáu vienres 19 de marzu, y dientro del marcu la conmemoración del 21 de marzu Día Internacional de la Eliminación de la Discriminación Racial, l’Agrupación Municipal Socialista de Xixón, en collaboración cola FSA-PSOE, entamó l’actu telemáticu “Inmigración: Oportunidá o Delitu. Retos”.
Abrió l’alcuentru Ana Begoña Sariego Martínez, secretaria de Movimientos Sociales de l’agrupación incidiendo en que la inmigración nunca puede considerase un delitu, sinón xuna oportunidá, y en les nueses manos ta encetar esta tema dende un enfoque constructivu pa la busca de soluciones énte los problemes que surden del procesu migratoriu.
De siguío, Sonia Galeano González, abogada esperta n’Extranxería y Protección Internacional, centró la so intervención n’esplicanos la so esperiencia nel resolvimientu de conflictos, respecto tantu a la Llei d’Extranxería como d’Asilu, destacando la importancia d’actualizar estes lleis p’afaeles a les necesidaes reales.
Javier Andrés González Vega, catedráticu de Derechu Internacional Públicu y Relaciones Internacionales na Universidá d’Uviéu falónos de la política que la Unión Europa caltien sobro la migración y l’asilu.
La trabayadora social y voluntaria en LLATI Asturies y Muyeres Africanes, Ndeye Diarra Diagne Fall, compartió la so esperiencia como parte de “la segunda xeneración” ye dicir fíos y fíes d’inmigrantes que nacieron n’España o que vinieron n’edaes bien tempranes.
Natalia González Peláez, concejala de Bienestar Social y Derechos del Conceyu de Xixón, falónos de la situación de les persones residentes nel nuesu conceso, que provienen del estranxeru y atópense en situación irregular, y les grandes dificultaes amontaes nel periodu de pandemia.
El diputáu y secretariu executivu de Polítiques de Refuxaos de la CEF-PSOE, Luc André Diouf Dioh, espunxo les iniciatives polítiques que se tán plantegando na actualidá pa encetar el fechu migratoriu y compartió la so complexidá y los distintos aspeutos que lo componen. La inmigración siempres hai d’encetase como xuna oportunidá.
Esti actu, nel que participaron más de 50 persones, tuvo moderáu por José Fernando Menéndez González, coordinador del Grupu de Trabayu de Movimientos Sociales de la AMSG.