- César González: «si el gobiernu local confirma públicamente que posponen esta modificación hasta la constitución de la próxima Corporación retiramos la iniciativa”
El conceyal del Grupu Municipal Socialista, César González, presentó esta mañana una proposición plenaria pa que’l gobiernu de FORO retarde, hasta la constitución de la próxima Corporación, el cambéu de los estatutos de les empreses municipales que pretenden promover
González recalcó que, dende’l Grupu Socialista, nun se va sofitar un cambéu sobro’l réxime retributivo de los conseyeros de les empreses municipales, con independencia del sueldu que reciban como conceyales, que’l gobiernu quier colar “de rondón”.
“Con esta proposición pretendemos forzar al gobiernu a eche p’atrás nel so enfotu, que-y dea otra vuelta y que nun pretenda llevanos a la situación que vivimos nel mandatu pasáu, cuando los conceyales de gobiernu cobraben como conceyales y como conseyeros”, apuntó.
El conceyal socialista manifestó qu’un cambéu d’estatutos nes empreses municipales nun ye una tema menor, menos tovía col alderique que tuvo que facese a lo primero d’esti mandatu, pola neciura” del equipu gobiernu. Nesti sentíu recordó que los conceyales de FORO demandaron al propiu Conceyu y a les empreses municipales que presidíen, pa siguir cobrando les dietes que percibieron ente 2011 y 2015, aprovechando que los grupos de la oposición nun taben nos conseyos d’alministración.
P’acabar, el conceyal del PSOE aseguró que retirarán esta iniciativa, si el gobiernu fai un pronunciamientu públicu y dan treslláu claramente a los grupos de la oposición, afitando que dexen estu asuntu en manes de la próxima Corporación.