Nota de Prensa, 2 de marzu de 2021
La Empresa Municipal d’Agües de Xixón publicó’l llistáu definitivu de persones almitíes y escluyíes de la bolsa de personal operario, que’l so plazu de presentación de candidatures remató nel mes de payares.
Mientres el periodu de subsanación d’erros, recibióse la documentación de 230 aspirantes, almitiéndose les aportaciones de 165 al considerase correctes, esto ye, del 71’4 per cientu.
Remata asina la Fase I de recepción de solicitúes y comprobación de requisitos de la convocatoria, a la que se presentaron 1.277 persones, 890 son homes (69%) y 387 muyeres (31%). La segunda fase va consistir na realización de la prueba teórica, un un exame tipu test, con un enunciáu y cuatro alternatives de respuestes de les que solamente una va ser la correcta.
Una vegada termine tol procesu de selección, rexíu en tou momentu polos principios d’independencia, publicidá ya igualdá de méritu y capacidá, va contratar a 18 persones fixes y va crease una bolsa d’empléu con otres 60 places de operario temporal que van cubrir les necesidaes que se produzan na empresa, van realizar sustituciones en periodos vacacionales o baxes médiques de llarga duración y cualesquier otra contratación temporal que sía necesaria.
Quepe recordar que les bases d’esta convocatoria fueron les primeres redactaes coles mires de que se produza una incorporación paritaria del personal, atendiendo al plan d’igualdá de la empresa, que contempla l’establecimientu de midíes d’acción positiva de calter temporal nos procedimientos de selección de personal operario, hasta permediar la presencia de dambos sexos”.