D’esta manera, el Gobiernu local cumple col mandatu plenariu del pasáu mes de xineru, onde s’aprobó, por mayoría absoluta, que’l Conceyu reforzara les revisiones d’esti tipu d’equipamientos y sistematizara el caltenimientu y planificación de les xeres de caltenimientu.
Nesti sentíu, el Conceyu de Xixón, al traviés de la Conceyalía d’Obres Públiques, va empecipiar estes inspecciones n’una docena d’edificios, respondiendo a criterios d’antigüedá y característiques d’usu. Para realizales va contratase una asistencia técnica.
Estes inspecciones van realizar en primer términu na Xefatura de la Policía Local, la Casa Rosada, la plaza de toros y l’edificiu del Lloredal. Amás, una vegada que remate’l cursu escolar, y siguiendo el protocolu establecíu, tamién se van realizar inspecciones nos colexos públicos de Cabueñes, Xove, Los Campos, La Escuelona, Rei Pelayo, Ramón de Campoamor, Alfonso Camín y Honesto Batalón.