XIXÓN, 9 (EUROPA PRESS)
L’ALCALDESA DE XIXÓN, Ana González (PSOE), defendió l’esfuerzu realizáu pol Equipu de Gobiernu na xestión municipal, y n’especial p’afaese a los retos de la crisis sociosanitaria provocada pola llucha contra la pandemia de la COVID-19.
Asina lo fixo mientres el Plenu del Estáu del Conceyu, nel que se guardó un minutu de silenciu en memoria de les víctimes de la COVID-19, y nel que la oposición criticó que, según ellos, el Gobiernu local va actuar “de llombu a la ciudá”.
“El coronavirus rompiónos los esquemes”, aprofió la rexidora, quien fixo una repasada a les midíes drástiques que se tuvieron qu’adoptar, como lo foi un “duru encierre” nel que la sociedá xixonesa respondió de manera exemplar” y hubo quien, como’l personal sanitario y otros colectivos, fueron “auténticos patriotes”.
Yá metíos na xestión municipal, remarcó que s’habilitaron ayudes d’emerxencia pa los más desfavorecidos, suprimiéronse delles tases pa los sectores afectaos, instauróse’l teletrabajo ente la plantiya municipal y activóse la web ‘Xixón quédase en casa’.
Al tiempu, refugó que fuera un ataque de egolotría” la so apaición diaria en redes sociales con un vídeu pa cuntar les últimes novedaes.
Criticó, nesti casu, a los negacionistas y acometió contra quien nun tien reparu en pescar en ríu revueltu y tampoco empache n’arrobinar mentires. Ye más, vio más murniu qu’haya partíos políticos que s’aprovechen d’ello.
Y énte les acusaciones de sectaria, dexó claro al voceru de Vox, Eladio de la Concha, que ye “socialista y feminista”, de la que-y confirmó que sí-yos tien un gordón sanitariu’.
Y sobro el so añu y mediu de mandatu, indicó que nun se puede diseñar un modelu de ciudá ensin cuntar con ella, a lo que numberó xuna serie de pasos daos con esti fin, ente los que ta ‘Participa Xixón’.
No económico, nel alderique nun faltó l’encruz d’acusaciones ente Foro y el Gobiernu local a cuenta del plan de fachaes. El PSOE, nesti casu, enfeó al anterior Gobiernu forista que dexara 495 ayudes pindies de conceder, que sumaben 72 millones d’euros, incluyíu barrios degradaos.
L’alcaldesa aprovechó p’anunciar qu’en 2021 va haber un nuevu plan de fachaes col que quieren allegar a fondos europeos.
Nun foi l’únicu reproche a Foro. Tamién lu echó en cara que cuando llegaron a l’Alcaldía tuvieren que rescatar “del olvidu” el proyectu allumáu intelixente que tuvo en riesgu de perder ayudes europees. L’alcaldesa avanzó que, tres 15 meses d’intensu trabayu, esti mes va salir a llicitación venceyáu a un programa d’eficiencia enerxética y d’Internet de les Coses.
Pela contra, emponderó del Gobiernu local otros proyectos como ‘Gijon In’, con 7,3 millones d’euros, cofinanciáu por Feder o’l compromisu de digitalización de l’Alministración local.
Mención especial tuvo’l proyectu de Tabacalera o la Casa Paquet’, reconducíos, según l’alcaldesa, pol so Equipu de Gobiernu, al igual que les biblioteques, pa les qu’anunció un plan p’actualizar los sos fondos.
Refirióse González tamién a la Zalia, pa la qu’espera que puedan captase fondos europeos ya indicó qu’en meses se roblará’l conveniu ente Principáu y Conceyu pa la desafección de parte de los terrenes.
Nel discursu tamién hubo cabida pa la Depuradora del Este, de la qu’espera xuna axilización na so tramitación ambiental, l’ampliación del hospital de Cabueñes o’l consultoriu periféricu de Nuevu Roces.
Tocantes a la crisis sociosanitaria, emponderó’l trabayu “ingente” de la Fundación Municipal de Servicios Sociales (FMSS) y el trabayu “mano a mano” col Tercer Sector.
Ello ye que señaló qu’esti xueves na Xunta Rectora de la FMSS van aprobase 1.257.900 euros pa conceder 1.492 ayudes amestaes al programa ‘el mio barriu’, frutu de la negociación con Podemos-Equo Xixón. Nesti casu, recordó a el ex voceru d’esta formación, Yolanda Huergo, finada va unos meses.
Xunas ayudes que tamién foi fonte de discutiniu nel alderique municipal, al acusala diversos grupos municipales de faer un “curtia y pega” de la extinta Renta Social Municipal, puesta en marcha so mandatu de Foro, y d’a cencielles camuda-y el nome.
Xuna acusación refugada por González, quien defendió que van destinaes a persones que yá perciben l’ayuda d’emerxencia, como complementu, y que al tiempu busquen favorecer el consumu local.
Con tou, l’alcaldesa dio por fechu que 2021 va siguir siendo un añu complexu” dende’l puntu de vista social, polo que se va siguir reforzando estos programes y tamién los empuestos a la promoción económica y l’empléu.
Ente ellos, señaló qu’en 2021 va empecipiase l’ampliación del PCTG na finca La Pecuaria y el Principáu dexará espacios na Llaboral. Tamién vio necesariu en 2021 doblar esfuerzos pa la recuperación del sector turísticu, ensin escaecer el cultural.
Nun refugó González l’alderique sobro la peatonalización del paséu del Muriu y el llamáu ‘cascayu’ por quien quixo faer burlla d’él, pero que los xixoneses haber fechu yá so.
La falta de llimpieza na ciudá, según la oposición, tamién sirvió por que la alcaldesa echada en cara a Foro que-yos dexara ensin apenes efectivos en EMULSA, cola bolsa d’empléu escosada. Y magar reconoció González que pudo haber momentos de falta de llimpieza, aseguró que llograron “poner al día la ciudá”.
Ente otros proyectos a rematar en 2021, per otru llau, aludió a la finalización de los pozos de nube d’Hermanos Castro y Arbeyal, pero tamién a meyores nel colector del ríu Peñafrancia o l’ampliación en zona rural de la rede de saneamientu (1,4 millones), ensin escaecer la llimpieza de los estanques del parque d’Isabel la Católica.
Pal zarru del alderique, l’alcaldesa indicó que la reforma alministrativa del Conceyu ye “bien urxente” y lleva muncho tiempu. Entá asina, van siguir intentando axustar con casi tol mundu.
Y en respuesta a la oposición, apuntó a Podemos-Equo que se ta faciendo un bancu de proyectos pa presentalos cuando se abrir la convocatoria y captar fondos.
Tocantes a la contaminación, vio más que necesariu executar el vial de Jove y recordó que ye la primer vegada que se fai un plan especifico del aire.
“Inda nun se me zarró naide nel Conceyu, a ustedes sí”, retrucólu a Foro sobro les sos crítiques a que nun se quieran axuntar con una representación d’hosteleros. “Va Haber xunta con tol mundu”, aseguró.
Coles mesmes, “de chiste” llomó’l que Foro diga que Xixón ta puercu, cuando dexó la bolsa de EMULSA escosa. “Xixón vuelve tar llimpiu”, asegurólu, de la que s’amosó bien arguyosa del trabayu de EMULSA.
En mediu del alderique, enfeó al voceru de Foro, JESÚS MARTÍNEZ SALVADOR, qu’entrara con un amigu ensin cita previa na antigua Pescadería Municipal, see alministrativa local, saltándose les normes ‘antiCOVID’. “Teníase-y que cayer la cara de vergüenza”, reprochó-y.
Sobro la Casa Paquet, aportunó-y en que nun ye accesible y preguntó-y a Foro cómo se va a convertir nun sitiu de referencia cuando xuno de los oxetivos d’este Xacobeo ye l’accesibilidá. Tamién remarcó que ye “absolutamente mentira” dicir qu’hai concejalas que van a despachos de luxu na Casa Paquet. “Nun enllordien la política, crean n’ella”, encamentó-yos.
Tocantes a Ciudadanos, aprofió-yos que’l Plan de Barrios fíxose xuntu con toles asociaciones vecinales. Tamién-yos reprochó que falen de rede clientelar texida mientres años, cuando lleven añu y mediu gobernando, “y enriba con COVID”, repostió.