L’alcaldesa de Xixón, Ana González Rodríguez, fixo declaraciones en relación a como se va desenvolver el branu gijones anguaño. Aseguró que magar, nun hai nenguna novedá sobro l’alternativa a la Nueche de los Fueos, siguen buscándose solución.
Sí que refugaron dalguna alternativa, por preciu y problemes nos permisos, como lo de los drones de lluz. L’alcaldesa señaló que pa faer un espectáculu de lluz qu’emule a los fueos artificiales ye necesariu un sistema que sirva pa velo dende distintos puntos de la ciudá.
Aportunó, a esti respectu, en que se tán valorando delles propuestes de lluces, pero nun hai decidíu nada. Lo que busquen ye qu’haya pequenes concentraciones de persones que dexen guardar la distancia en múltiples sitios.
Xuníu a ello, haise congratulado de qu’actividaes habituales del branu xixonés, como Metrópoli o la Selmana Negra, vaigan atopando soluciones; “porque l’oxetivu ye qu’haya branu”, resaltó. Sobro la programación anunciada por Metrópoli, destacó que ye un festival que tien “muncho ésitu”.
“Tenemos que dir recuperando la vida tou el mundu”, indicó, a lo qu’aprofió qu’hai que tener en cuenta, ta claro, qu’hai que tomar midíes sanitaries pa evitar andaes de COVID-19.
Tocantes a subvenciones pa fiesta de prao qu’hai que devolver, recordó qu’estes, como toes, tán amestaes siempres a un oxetu. Según l’alcaldesa, da igual que sía fiesta de prao o otra cosa, si nun se fai, van tener que devolver.
Al respective de les sableres, indicó que se ta trabayando yá en poner los indicativos de les escaleres de salida y entrada y les que van permanecer zarraes.
Tamién apuntó que, con base al nuevu decretu una vegada que se llevante l’Estáu d’Alarma, paez qu’hai que faer un recálculo d’aforu, porque fala d’otra distancia de seguridá. Sicasí, aportunó en que’l planteamientu ye’l mesmu al respective de les normes d’usu de les sableres.