Comunicáu del Conseyu de Muyeres de Xixón
El Conseyu d’Asociaciones de Muyeres de Xixón quier manifestar la so condena a una mal llamada “chancia”, anque sí una actitú machista que se realizó nel chigre Saurom de Xixón y encamentamos a dichu establecimientu a pidir esculpes a la opinión pública y non solo nes redes sociales, como yá lo fixeron a lo llargo del día de güei, énte l’ábanu de crítiques y la presión mediática.
Nun ye lo mesmo dicir: “ oi tíu, pa tocame les tetes desagáfate primero” yá que esto dicir tu y refiéreste a ti mesma. Otra cosa bien distinta ye lo que ponía’l cartelu “Nun tocar les tetes a la camarera ensin desagafase les manos, gracies” yá que estes faciendo referencia a toles camareres d’esi chigre y quiciabes a elles nun-yos paeza bien o nun se sientan cómodes con esi eslogan. ¿Qué ye lo que presupon esti eslogan? ¿qué antes se podíen tocar les tetes a les camareres? Con estes actitúes facer de menos el trabayu dignu de munches muyeres y homes que lu precisen pa pagar l’arriendu o comer.
Cualesquier tipu de chancia privada quedar nesi ámbitu priváu, qu’el to puedes aceptar o non. Cuando eses chancies” pasen a ser públiques yá nos afecten a toes.
Nun ye una chancia cuando otra persona puede sentise estropiada o ofendida con eses actitúes machistes, que per otru llau son continues. Polo tanto si solo rise una, eso nun ye una chancia. Nes chancies rimos toes. Y en concencia esta nun nos fixo nenguna gracia.
nun vamos entrar n’esplicaciones de lo que caúna puede faer o dexar de faer col so cuerpu, pero si denunciamos acciones qu’entren nel campu de lo delictivo. El Conseyu de Muyeres de Xixón va faer llegar esti fechu “Al observatoriu de la publicidá información non sexista” del Institutu Asturianu de la Muyer perteneciente al Gobiernu del Principáu d’Asturies.
Siempres vamos refiertar enérxicamente estes actitúes de les que yá tamos fartes. Tamién pidiríamos a OTEA que cumplan col protocolu robláu “Contra les agresiones sexistes” del Conceyu de Xixón y pidan a los sos socios y socies que se formen en materia igualdá, recordándo-yos que la Oficina de Polítiques d’Igualdá del Conceyu de Xixón puede realizar esta formación, nel marcu de la so campaña contra les agresiones sexistes. Con educación n’igualdá erradicaremos d’una vegada por toles actitúes machistes nos espacios públicos.
Dende’l Conseyu d’Asociaciones de Muyeres vamos tar sollertes a esti tipu de posiciones que nun vamos consentir más. O a lo menos nun vamos quedar callaes nunca más.
“Xixón nun tolera les agresiones sexistes” nin siquiamente de chancia
Xixón a 10 de xunu de 2020/Conseyu d’Asociaciones de Muyeres de Xixón