El secretariu de Política Municipal de la FSA-PSOE y alcalde de Corvera, Iván Fernández, celebró esti llunes l’alcuerdu ente la FEMP y el Gobiernu central una y bones indicó que’l mesmu va dexar desbloquiar y usar de manera inmediata 5.000 millones del remanente municipal pa proyectos y actuaciones nel so territoriu.
Amás Fernández destacó qu’esti alcuerdu dexa dexar ensin efectos la riegla de gastu de 2020, “un xugu qu’esgaña a los conceyos” y amás fai posible el superávit de 2019 en 2020.
Pero amás esti alcuerdu dexa abiertu una canal de comunicación col Gobiernu d’España pa empecipiar el diálogu que dexe un sistema de financiamientu local paralelu al financiamientu autonómicu.
“Esti alcuerdu corrixe los efectos negativos que tanto dañu fixo y esta faciendo a los conceyos cola llei del ministru Montoro, por tantu recordar al PP que nuevamente tamos resolviendo problemes qu’ellos xeneraron cuando gobernaben”, dixo.