La Xunta de Gobiernu apreba la Ordenanza Municipal de Residuos y Hixene Urbana

La Xunta de Gobiernu, aconceyada esta mañana de forma telemática, aprebó la Ordenanza Municipal de Residuos y Hixene Urbana tres del estudiu de les alegaciones propuestes. Fueron tres los escritos presentaos que constituyen nos más de los casos meyoras técniques del textu, concreción de competencies y definiciones o axustes nes remisiones normatives. El Serviciu de Medio Ambiente y Movilidá emitió el 7 de mayu la memoria onde se valora cada un d’ellos y se incluyen les propuestes fundamentaes d’inalmisión y desestimación y estimación de los mesmos, col envís de que pueda ser alcordada la modificación del textu y s’envíe a la Comisión informativa pal so dictamen primero de la aprebación definitiva pol Plenu. Poro, la modificación de la Ordenanza, acompañada de la memoria anterior, va remitise a la Secretaria Xeneral del Plenu pal so traslláu a la Comisión competente y siga, d’esta miente, los trámites reglamentarios hasta la se aprebación definitiva.

La Ordenanza Municipal de Residuos e Hixene Urbana foi aprebada inicialmente nel Plenu del 30 d’abril de 2019, disponiendo la so publicación nel BOPA y l’apertura del plazu de presentación de reclamaciones y suxerencias. Sustituye a la Ordenanza Municipal de Llimpieza del 10 de xunu de 1988.

Per otru lláu, la Xunta de Gobiernu destinó una partida de 456.916,02 euros pal remocique de fachaes y pa la eliminación de barreres arquitectóniques. En total, son 12 subvenciones de les cuales tres van dir destinaes a les fachaes, otres tres pa la construcción de rampla en portal, cinco pa baxar l’ascensor a pie de cai y la cabera pa la instalación del ascensor. Les comunidades de vecinos beneficiaes son les que vienen darréu:

Per otru llau, axudicose, por un importe total de 655.542’55 euros (IVA incluyíu), el contratu de suministru de vestuariu y demás materiales de protección pal personal de la Policía Local del Ayuntamientu de Gijón/Xixón durante los años 2020 a 2022. Les empreses axudicataries son les siguientes:

El desglose económicu del contratu ye’l siguiente:

Amás, reanudáronse cuatro contratos que fueren suspendíos temporalmente a cuenta l’estáu d’alarma por emerxencia sanitaria:

–           Serviciu de llimpieza de mantenimiento de los Centros Municipales Integraos de L’Arena, El Coto y Pumarín con criteriu de calidá nel empléu correspondiente al contratu soscritu cola empresa SOGESEL DESARROLLO Y GESTIÓN S.L.

–          Serviciu de llimpieza de mantenimientu por lotes nel edificiu Antigua Pescadería Municipal, Edificiu Pelayo y Axencia Local d’Empléu con criterios de calidá medioambiental correspondiente a los contratos soscritos coles empreses PROINLEC NORTE S.L., LOTE 1: EDIFICIO ADMINISTRATIVO ANTIGUA PESCADERÍA MUNICIPAL ; ITMA S.L.U., LOTE 2: EDIFICIO PELAYO, LOTE 3: AGENCIA LOCAL DE EMPLEO.

–          Serviciu de llimpieza de mantenimientu n’escueles infantiles de 0 a 3 años con criteriu de calidá nel empléu, soscritu cola empresa CLN SERVICIOS INTEGRALES, S.L.

–          Suministru pa la xestión de la enerxía térmica con aprovisionamientu combustibles y mantenimientu con garantía total de instalaciones térmiques del ayuntamiento de Xixón y del patronatu deportivu municipal, con criterios de calidá nel empléu y sostenibilidá ambiental, soscritu cola empresa VEOLIA SERVICIOS NORTE, S.A.U.

Asina mesmo, l’Ayuntamientu de Gijón/Xixón va designar 19 persones titulaes a la prestación del Servicio Municipal d’Atención al Contribuyente pa la confección y presentación de les declaraciones del Impuestu de la Renta de las Persones Físicas durante la campaña d’esti añu qu’entama’l 13 de mayu y afecha’l 30 de xunu. Va facese vía telefónica al traviés del plan Llamámos-y. Forma parte d’una acción puesta en marcha xunto a la Axencia Estatal de l’Alministración Tributaria con un protocolu de collaboración que foi tamién aprobáu güei pola Xunta de Gobiernu. Ésta, pela so parte, va impartir un cursu pal personal municipal y va facilitar l’apoyu técnicu necesariu pa la correcta prestación del serviciu durante tola campaña 2019. Tratase, a la fin, d’una asistencia consolidada en cuanto a la gran acoyida ente la ciudadanía que, hasta agora, venía faciéndose de forma presencial en centros espardíos pelos distintos barrios de la ciudá.

Tamién s’apreba inicialmente l’estudiu de detalle y subdivisión del área de unidá d’actuación Cristalería 06 AB, asitiada ente las cais Diario El Comercio, L.luarca y Teodoro Cuesta. El Serviciu Técnicu d’Urbanismu informa favorablemente sobre talu estudiu ya que cumple les determinaciones del Plan Xeneral d’Ordenación Urbana y la reglamentación urbanística aplicable, dando rempuesta a los oxetivos y criterios espresados na ficha correspondiente.

Presentose el pasáu 23 d’avientu de 2019 promovíu poles entidaes Inmobiliaria Dindurra Uno S.A., Hijos de Fresno Fernández y El Comercio S.A.. Plantea la edificación en dos bloques con altures que s’axusten a las definíes pola ficha AUA-CRI-06AB: un al oeste d’ocho plantes más áticu (subunidaes 1 y 2) y otru al este con 8 plantes más áticu que se remata con un volume de 10 plantes más áticu (subunidá 3). Dambos edificios tán separtaos por un viariu públicu de 19’50 metros d’anchor, superior al anchor mínimu de 8 metros que recueye la ficha y, poro, dase cumplimientu con esta solución a la dimensión mínima resultáu de la suma de los dos pasos desixíos na ficha (8+8), xenerando dos edificaciones esentes. Esto favorez la calidá, la seguridá y l’usu nel tránsitu peatonal. Axustase asina a les prescripciones establecíes nel Informe de Xéneru que forma parte de la documentación del Plan Xeneral d’Ordenación Urbana y tá en sintonía cola solución escoyida pa la unidá que llinda (AUA-CRI-06CD), con un desarrollu y xestión que  tán  en tramitación. Favorez tanto la continuidá nel tránsitu peatonal al traviés de víes públiques peatonales descubiertes que conecten cola cai Diariu El Comercio como la transición ente’l Plan Especial pa la integración del ferrocarril y el propiu barriu de Laviada. Tanto la ocupación destinada a usu residencial, como la destinada a dotacional viariu y la edificabilidá másima permitida, tán directamente venceyaes a les alineaciones y altures másimes definíes gráficamente na ficha, a les que s’axusta la ordenación propuesta, aumentando la zona destinada a viariu cola apertura de cai pública na zona central de la unidá.

Consta, nel espediente, la presentación por el promotor de la solicitú d’aniciu del trámite ambiental y del documentu d’Evaluación Ambiental Estratéxica Simplificada (d’equí p’alantre EAE), que ya se mandaron al órganu ambiental del Principáu d’Asturies, tando pendiente de Resolución por la Conseyería d’Infraestructures, Mediu Ambiente y Cambiu Climáticu.

Según los informes técnicos obrantes nel espediente, l’ámbito axetu del Estudiu de Detalle ta afectáu pola envolvente de les servidumbres aérees d’operaciones de les aeronaves, polo que, a tenor de lo previsto nel Real Decretu 297/2013 de 26 d’abril, pidiose informe de la Dirección Xeneral d’Aviación Civil (DGAC), remitiendo la documentación pertinente al efectu que tá pendiente de la emisión del informe.

Amás, desestimase’l recursu de reposición interpuestu pola empresa Larus Control S.L.N.E. frente a la resolución de fecha 18 de marzu de 2020 pola que se axudicó’l contratu pal control de los dormideros de estornín pintu a la empresa Locus Avis. La Conceyalía Delegada de Mediu Ambiente y Movilidá aprebó, el 28 de payares de 2019, la propuesta formulada pa la contratación d’esti serviciu pol plazu d’una temporada contractual de 1 de ochobre a 31 de marzu, pudiendo ser prorrogáu por dos temporaes contractuales más, y un valor estimáu de 41745 euros (IVA incluyíu). Excluyose a Larus Control del procedimientu na fase de valoración por tratase d’una ufierta anormalmente baxa. Representaba una baxa del 35,40% (4.071 euros) respecto al presupuestu base de licitación de 11.500 euros (toles cantidaes mencionaes sin IVA) y esi datu ye determinante a la hora de tachar la ufierta de temeraria y inviable y, sumao a l’ausencia d’otros elementos que dean consistencia a la ufierta, nun ufre elementos pa creyer que va porder ser llevada alantre ensin riesgu dalu pal interés municipal.

La empresa presentó l’escritu de xustificación el 31 de xineru de 2020, calteniéndose la so esclusión del procedimientu por nun quedar precisaes nenguna de les condiciones llegalmente establecies. El 20 d’abril de 2020 presentó recursu de reposición contra la resolución de axudicación del contratu. Solicitó entós que se retrotraiga el procedimientu, se realmita la so ufierta y se-y axudique’l contratu por ser la so ufierta la económicamente más ventayosa, pidiendo espresamente la suspensión cautelar del procedimientu de contratación. Esto desestímase porque, anque na parte dispositiva de la resolución nun se esprese la esclusión de la ufierta de la recurrente, nel cuerpu de la mesma incluyese un cuadru coles ufiertes presentaes nel que consta tala esclusión y la causa de la mesma. Alega, tamién, la nulidá de la resolución por nun esplicitar la so esclusión na parte dispositiva y por falta de motivación reforzada de les causas d’esclusión de la so ufierta, d’importe qu’entiende xustificáu nel escritu presentáu el 31 de xineru de 2020 nel que desglosaba cada uno de los precios en  se descompón. Tampoco s’aprecia falta de motivación. La información suministrada, desglosando la ufierta, ye completa pa valorala pero nun cumplió’l requisitu de demostrar que tá en condiciones de cumplir el contratu a esi preciu, esistiendo un riesgu de que l’interés de l’alministración quede perxudicáu si se axudica por un preciu tan baxu.

En resume, la esclusión de la oferta débese a que la documentación aportada nun esplica satisfactoriamente’l baxu nivel de los precios o costes propuestos. L’informe del xuiciu de viabilidá concluye que la ufierta nun puede ser cumplida.

Desestimose tamién, en base al informe desfavorable del Serviciu de Parques y Xardines, los recursos de reposición contra la resolución de 20 de febreru de 2020 pola que se desautoriza l’usu güertos d’ocio. Los afectaos alegaron motivos d’índole personal pa xustificar l’incumplimientu de les normes d’usu de los güertos pero éstos taben en situación d’abandonu, lo que supón una vulneración de les normes pa la so utilización y, amás, ye causa inmediata de resolución de l’autorización d’usu. Los güertos afectaos son los siguientes:

-Nº154 DE «ARROYO DEL PISÓN»

-Nº 216 DE «ARROYO DEL PISÓN»

-Nº 254 EN «ARROYO DEL PISÓN»

-Nº 68 EN LLORIO

-Nº 138 EN LLORIO

P’acabar, declarose la pérda del derechu total de cobru de la subvención concedida pa l’atención d’animales abandonaos a dos persones que nun presentaron la documentación acreditativa pertinente. Comprobose una vez recibida la documentación xustificativa pa proceder al pagu de las ayudes y, polo tanto, nun se-yos puede dar de la cuantía correspondiente, en concretu, 225 euros y 2.250 euros.

Estes ayudes correspuenden coles destinaes a entidaes sin ánimu de lucru y persones físiques cuidadores de colonies llegalmente rexistraes nel Ayuntamientu de Gijón/Xixón que desarrollen programes d’interés en materia d’atención a los animales abandonaos pa l’exerciciu 2019 y fueron aprebaes en Xunta de Gobiernu el 15 d’ochobre de 2019 por un importe total de 15.000 euros.