La Xunta de Gobiernu aprobó esta mañana 229 nueves ayudes correspondientes al programa de reactivación económica ‘Xixón Reinicia’, por un total de 345.469’41 euros. El Gobiernu municipal va siguir tramitando estes ayudes, a les que se ta dando la máxima prioridá, por que toes tean tramitaes a finales del mes de febreru.
Coles mesmes, suscribióse un conveniu enmarcáu nel Plan d’Empléu de collaboración públicu-privada impulsáu pol Conceyu de Xixón, dientro del proyectu Asistente de Vientes Omnicanal’ de la Unión de Comerciantes, que la so subvención total xube a 165.370 euros. La empreses beneficiaria,‘Texíos el Mundu’’, va contratar a tiempu completu mientres un añu, tres una primer fase de formación, a un alumnu o alumna del cursu, na categoría profesional d’Ayudante de Dependiente/a. La contratación cunta con una subvención de 12.797’82 euros.
A lo último, tornóse el recursu reposición interpuestu pola empresa Lumo Arquitectos S.L.P. frente al alcuerdu robláu en Xunta de Gobiernu’l 20 d’ochobre de 2020 nel que s’esixía, con calter solidariu, la subsanación de los defectos reparaos na obra d’ampliación del centru tecnolóxicu. Los argumentos presentaos pola empresa nun se consideren abondes para desvirtuar les conclusiones del informe pericial.
Respuesta a Ciudadanos
La vocera del equipu de Gobiernu, Marina Pineda, aprovechó para esclariar los motivos polos que nun s’almitió a trámite, nel próximu plenu, la creación d’una comisión permanente para’l control de los fondos europeos, solicitada pol Grupu Municipal de Ciudadanos, al qu’acusa de” mentir a sabiendes”.
Pineda esclarió que l’asuntu, encetáu na Xunta de Voceres celebrada’l pasáu vienres, foi refugáu pola Secretaria Xeneral del Plenu por incumplir, tantu a lexislación vixente como’l reglamentu municipal. Asina, esplicó que les comisiones permanentes decídense, por alcuerdu plenariu, al entamu del mandatu y non pueden modificar hasta que nun remate’l mesmu.
La vocera del equipu de Gobiernu negó vetu dalgunu y recordó que los grupos de la oposición tienen les comisiones municipales para realizar toles propuestes que consideren oportunes. “En política non tou val, y lo mínimo esixente ye que, siquier, cúntense les coses como asoceden, ensin mentires nin tracamundios de la realidá”