La Xunta de Gobiernu, axuntada esta mañana con calter estraordinariu y urxente, aprobó 404.922 euros n’ayudes del programa ‘Xixón Reinicia’, que la so finalidá ye fomentar la reactivación de l’actividá económica y la reapertura de negocios y establecimientos, según favorecer el caltenimientu de les contrataciones llaborales rellacionaes con empreses y persones trabayadores que se vieron afectaos pol decretu d’estáu d’alarma.
Tratar de la tercer riola de subvenciones d’esta convocatoria, na que se conceden ayudes a 177 autonónomos o micropymes para’l caltenimientu del empléu por cuenta ayena por un importe de 381.426,17 euros y a otros 78 para sufragar gastos derivaos de la reapertura de los sos negocios con un total de 23.495,93 euros. Nel primer casu, subvenciónase una cuantía de 1500 euros por caúna de les contrataciones de les y el trabayadores reincorporaos o la parte proporcional en función de la xornada con un máximu de trés a xornada completa o de seis a xornada parcial; nel segundu caso la cuantía máxima establecida de 500 euros per empresa o negociu.
En total yá se resolvieron más de 1 millón d’euros n’ayudes y yá son 699 los negocios de la ciudá beneficiaos. Quepe recordar que la convocatoria de ‘Xixón Reinicia’ ta dotada con 5 millones d’euros, empobinada prioritariamente al pequenu comerciu urbanu y a la hostelería local.