La Fundación Municipal de Servicios Sociales, va llevar a la Xunta Rectora del próximu xueves 1.257.900 euros n’ayudes directes para persones en situación de vulnerabilidá. Ye frutu del alcuerdu alcanzáu con Podemos-Equo Xixón ya Izquierda Unida para atender les necesidaes de les persones que s’atopen n’una situación de mayor vulnerabilidá, esto ye, aquelles que tuvieron a lo llargo del añu dalguna ayuda d’emerxencia.
En concretu articúlense dos tipos d’ayudes, directes y d’emerxencia y complementaries. Nel casu de les ayudes directes d’emerxencia, que’l so presupuesto total xube a 262,125 euros, van dirixíes a persones en situación de riesgu d’esclusión social a quien se-yos va conceder una ayuda para gastos d’alimentación ya hixene que va dir dende los 500 euros para unidaes d’un solu miembru a los 950 euros para más de cinco miembros. Son 382 unidaes de convivencia, 879 persones qu’escarecen de recursos y que yá tuvieron una ayuda de primera necesidá.
El presupuestu total restante corresponder coles ayudes complementaries directes para l’alquisición de productos nel comerciu local minorista per parte de persones en situación de vulnerabilidá económica. Va realizase un pagu por tresferencia bancaria d’ente 700 euros y 1200 euros a un total de 1110 unidaes de convivencia, 2285 persones.
En dambos casos, podrán realizase les compres hasta’l 31 de mayu anque podría prorrogase si hubiera nuevos zarros por cuenta de la pandemia. Les y los beneficiarios van recibir xuna carta na que se-yos va informar de la cuantía, los productos que podrán adquirise y los establecimientos.
L’oxetivu non solo ye sofitar a les persones en situación de mayor riesgu d’esclusión y o vulnerabilidá y poder atender les sos necesidaes más básiques, tamién impulsar el pequenu comerciu local afectáu pola situación derivada de la pandemia. Nesi sentíu, nel marcu d’un programa que se va denominar “El mio Barriu”, va llevar a cabu xuna campaña que sirva pa identificar a los comercios locales minoristes que participen. A lo último, va ser necesariu guardar les factures de les compres, por ello, van ser los comercios xuntaos a esta campaña quien les unvien a la Fundación Municipal de Servicios Sociales al traviés de la Unión de Comerciantes, facilitando d’esta miente la so tramitación.